ചെന്നെെ: തമിഴ് സീരിയല് താരം വി.ജെ.ചിത്ര ജീവനൊടുക്കിയ നിലയില് കണ്ടെത്തി. സീരിയല് ഷൂട്ടിങ് കഴിഞ്ഞ് ഹോട്ടല് മുറിയിലേക്ക് തിരിച്ചെത്തിയ ശേഷമായിരുന്നു ആത്മഹത്യ നടന്നിരിക്കുന്നത്. 29 വയസ്സായിരുന്നു താരത്തിന്.
വിജയ് ടിവിയില് സംപ്രേഷണം ചെയ്യുന്ന ‘പാണ്ഡ്യന് സ്റ്റോര്സ്’ എന്ന സീരിയലില് ‘മുല്ല’ എന്ന കഥാപാത്രത്തെ അവതരിപ്പിക്കുന്നത് താരമാണ്. ഷൂട്ടിങ് കഴിഞ്ഞ ശേഷം പുലര്ച്ചെ 2.30 നാണ് താരം ഹോട്ടല് മുറിയിലെത്തിയത്.
സഹതാരം ഹേമന്തിനൊപ്പമാണ് ചിത്ര ഹോട്ടല് മുറിയില് താമസിച്ചിരുന്നത്. ഷൂട്ടിങ് കഴിഞ്ഞ ശേഷം റൂമിലെത്തിയ ചിത്ര തനിക്ക് കുളിക്കണമെന്നും ഹേമന്തിനോട് പുറത്തേക്ക് പോകണമെന്നും പറയുകയുണ്ടായി. എന്നാല് അതേസമയം, കുളിക്കാന് കയറി ഏറെ സമയം കഴിഞ്ഞിട്ടും ചിത്ര വാതില് തുറന്നില്ല. ഹേമന്ത് വാതിലില് മുട്ടി നോക്കിയെങ്കിലും വാതില് തുറന്നില്ല.
ചിത്ര വാതില് തുറക്കാതെ വന്നതോടെ ഹോട്ടല് ജീവനക്കാരില് നിന്ന് മുറിയുടെ മറ്റൊരു താക്കോല് വാങ്ങി ഹേമന്ത് വാതില് തുറന്നു നോക്കുകയുണ്ടായി. റൂമിലെ ഫാനില് കെട്ടിത്തൂങ്ങിയ നിലയില് ചിത്രയെ കാണുകയാണ് ഉണ്ടായത്. സംഭവത്തില് പോലീസ് അന്വേഷണം തുടങ്ങിയതായി അറിയിച്ചു.
