മലപ്പുറം: മലപ്പുറം താനൂരില് ബോട്ട് മുങ്ങി 22 പേര് മരിച്ച സംഭവത്തില് ഒരു ബോട്ട് ജീവനക്കാരന് പിടിയില്. താനൂര് സ്വദേശി വടക്കയില് സവാദ് ആണ് പിടിയിലായത്. അതിനിടെ, കേസില് അന്വേഷണ സംഘം ബേപ്പൂര് പോര്ട്ട് ഓഫീസില് പരിശോധനകള് നടത്തി. അപകടത്തില്പ്പെട്ട അറ്റ്ലാന്റ ബോട്ടുമായി ബന്ധപ്പെട്ട മുഴുവന് രേഖകളും പിടിച്ചെടുത്തു. ആവശ്യമെങ്കില് നേരിട്ട് ഹാജരാകാന് ഉദ്യോഗസ്ഥര്ക്ക് പൊലീസ് നിര്ദേശം നല്കി. താനൂര് ഡിവൈഎസ്പി വി വി ബെന്നിയുടെ നേതൃത്വത്തില് 14 അംഗ പ്രത്യേക അന്വേഷണ സംഘമാണ് കേസ് അന്വേഷിക്കുന്നത്.
അപകടത്തിന് ഇടയാക്കിയ ബോട്ടിലെ സഹായികളായ മൂന്ന് പേരെ പോലീസ് ഇന്നലെ രാത്രി അറസ്റ്റ് ചെയ്തിരുന്നു. അപ്പു, അനില്, ബിലാല് എന്നിവരെയാണ് അറസ്റ്റ് ചെയ്തത്. റിമാന്ഡിലുള്ള ബോട്ടുടമ നാസറിനെ കസ്റ്റഡിയില് ലഭിക്കാന് പോലീസ് ഇന്ന് അപേക്ഷ നല്കും.
