കോട്ടയം : വിവാഹവാഗ്ദാനം നൽകി അധ്യാപികയെ പീഡിപ്പിച്ചെന്ന പരാതിയിൽ യുവാവ് അറസ്റ്റിൽ. എം.ജി സർവകലാശാലയുടെ മുൻപിലെ സമരപ്പന്തലിൽ നിന്നായിരുന്നു അറസ്റ്റ്. ആലപ്പുഴ രാമങ്കരി സ്വദേശി റോബിൻ ജോബി (27) നെയാണ് അടിമാലി പോലീസ് തിങ്കളാഴ്ച അറസ്റ്റുചെയ്തത്. ഇയാൾ ഭീം ആർമി സംഘടനയുടെ സംസ്ഥാന നേതാവാണെന്ന് പോലീസ് പറഞ്ഞു.
2019 ഏപ്രിൽ 23 നായിരുന്നു കേസിന് അടിസ്ഥാനമായ സംഭവം. വിവാഹവാഗ്ദാനം നൽകി യുവതിയെ അടിമാലിയിലെ ലോഡ്ജിൽ കൊണ്ടുവന്ന് പീഡിപ്പിച്ചുവെന്നും പിന്നീട് വാഗ്ദാനത്തിൽനിന്നു പിൻമാറിയെന്നുമാണ് കേസ്. ഇതോടെ യുവതി രാമങ്കരി പോലീസിൽ പരാതി നൽകി. കഴിഞ്ഞ 28 ന് രാമങ്കരി പോലീസ് അടിമാലി പോലീസിനു കേസ് കൈമാറി. ഇയാളെ രാമങ്കരി പോലീസിനു കൈമാറും.
