പത്തനംതിട്ട : നഗരത്തിലെ റോഡുകളുടെ ശോചനീയാവസ്ഥയ്ക്ക് കാരണമായ കരാറുകാരനെതിരെ കര്ശന നടപടി സ്വീകരിക്കുമെന്ന് ആരോഗ്യവകുപ്പ് മന്ത്രി വീണാജോര്ജ് പറഞ്ഞു. ജില്ലയില് നടക്കുന്ന പശ്ചാത്തല സൗകര്യ നിര്മാണ പ്രവര്ത്തനങ്ങളുടെ പുരോഗതി അവലോകനം ചെയ്യാന് ചേര്ന്ന യോഗത്തില് ഓണ്ലൈനായി പങ്കെടുത്ത് സംസാരിക്കുകയായിരുന്നു മന്ത്രി.
കരാറുകാരന് നാല് തവണയാണ് നിര്മാണം പൂര്ത്തിയാക്കാന് സമയം നീട്ടി നല്കിയത്. എന്നിട്ടും നിര്മാണം പൂര്ത്തീകരിക്കാതെ നിരുത്തരവാദപരമായി പെരുമാറുന്നത് അംഗീകരിക്കാനാകില്ല. നഗരത്തിലെ റോഡുകളില് കൂടിയുള്ള ഗതാഗതം പൊതുജനങ്ങള്ക്ക് വലിയ ബുദ്ധിമുട്ടുണ്ടാക്കി കൊണ്ടിരിക്കുകയാണ്. അതുകൊണ്ട് തന്നെ നടപടിയുണ്ടാകും. പിഡബ്ല്യുഡി, വാട്ടര് അതോറിറ്റി ഉദ്യോഗസ്ഥര് കൃത്യമായ രീതിയുള്ള ആശയവിനിമയം നടത്തണം. കരാര് ഏറ്റെടുത്ത ശേഷം സമയബന്ധിതമായി നിര്മാണം പൂര്ത്തിയാക്കാത്തവര്ക്കെതിരെ നടപടിയുണ്ടാകുമെന്നും ഇത്തരം പ്രവര്ത്തികള് വച്ച് പൊറുപ്പിക്കില്ലെന്നും മന്ത്രി പറഞ്ഞു.
പത്തനംതിട്ട നഗരത്തില് പൈപ്പ്ലൈനുകള് സ്ഥാപിക്കുന്ന നടപടി പത്ത് ദിവസത്തിനുള്ളില് പൂര്ത്തീകരിക്കണമെന്ന് ജലവിഭവവകുപ്പ് മന്ത്രി റോഷി അഗസ്റ്റിന് പറഞ്ഞു. ജനങ്ങളുടെ ബുദ്ധിമുട്ട് പരിഹരിക്കാന് കൂട്ടായ ശ്രമം ആവശ്യമാണ്. ജില്ലാതലത്തില് നിര്മാണ പുരോഗതി ബന്ധപ്പെട്ട വകുപ്പുകള് കൃത്യമായ ഇടവേളകളില് വിലയിരുത്തണമെന്നും മന്ത്രി പറഞ്ഞു.
പത്തനംതിട്ട സെന്റ് പീറ്റേഴ്സ് ജംഗ്ഷന് മുതല് അബാന് ജംഗ്ഷന് വരെയുള്ള റോഡിലെ നിര്മാണ പ്രവര്ത്തനങ്ങള് വേഗത്തിലാക്കണമെന്ന് ജില്ലാ കളക്ടര് ഡോ. ദിവ്യ എസ് അയ്യര് പറഞ്ഞു. ജനങ്ങള്ക്ക് വലിയ ബുദ്ധിമുട്ടാണ് ഉണ്ടായിക്കൊണ്ടിരിക്കുന്നത്. കരാറുകാരുടേയും ചീഫ് എന്ജിനീയറുടേയും യോഗം വിളിച്ച് ചേര്ത്തിരുന്നു. നിലവില് കരാറുകാരന് പത്ത് ദിവസത്തേക്ക് കൂടി സമയം നീട്ടി നല്കിയിട്ടുണ്ട്. അനുവദിച്ചിരിക്കുന്ന സമയത്തിനുള്ളില് ഇനിയും പ്രവര്ത്തി പൂര്ത്തിയാക്കിയില്ലെങ്കില് കര്ശനമായ നിയമ നടപടിയുണ്ടാകുമെന്നും കളക്ടര് പറഞ്ഞു. പൊതുമരാമത്ത് നിരത്ത് വിഭാഗം, വാട്ടര് അതോറിറ്റി, മോട്ടോര്വാഹനവകുപ്പ് ഉദ്യോഗസ്ഥര് തുടങ്ങിയവര് പങ്കെടുത്തു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
