ശ്രീനഗര് : ജമ്മു-കാശ്മീരിലെ അനന്ത്നാഗില് പോലീസും സി.ആര്.പി.എഫും സംയുക്തമായി നടത്തിയ പെട്രോളിംഗിനിടെ ഭീകരര് വെടിവച്ചു. വെടിവയ്പില് ഒരു പോലീസുകാരന് പരിക്കേറ്റു. തുടര്ന്ന് പ്രദേശം ഉപരോധിക്കുകയും തെരച്ചില് ആരംഭിക്കുകയും ചെയ്തതായി കാശ്മീര് പോലീസ് ട്വിറ്ററില് വ്യക്തമാക്കി.
കഴിഞ്ഞ ദിവസം ജമ്മു-കാശ്മീരിലെ സൈനിക ക്യാമ്പില് ചാവേറാക്രമണത്തിനെത്തിയ ലഷ്കര് ഭീകരരെ ചെറുത്ത നാല് സൈനികര് വീരമൃത്യു വരിച്ചിരുന്നു. സുബേദാര് രാജേന്ദ്ര പ്രസാദ്, റൈഫിള്മാന്മാരായ മനോജ് കുമാര്, ലക്ഷ്മണന്, നിശാന്ത് മാലിക്ക് എന്നിവരാണ് വീരമൃത്യു വരിച്ചത്.
