ശ്രീനഗര് : ജമ്മു കാശ്മീരില് വീണ്ടും ഏറ്റുമുട്ടല്. ഷോപ്പിയാനിലെ റംമ്പാന് മേഖലയില് ഞായറാഴ്ച രാവിലെയോടെയാണ് സുരക്ഷാസേനയും ഭീകരരും തമ്മില് ഏറ്റുമുട്ടലുണ്ടായത്. രണ്ടു ഭീകരരെ സൈന്യം പിടികൂടിയെന്ന റിപ്പോര്ട്ടുകള് പുറത്തു വരുന്നുണ്ട്. റംമ്പാന് മേഖലയില് ഭീകരരുണ്ടെന്ന രഹസ്യ വിവരത്തെ തുടര്ന്ന് സുരക്ഷാസേന തിരച്ചില് നടത്തുന്നതിനിടെയായിരുന്നു ഏറ്റുമുട്ടല്. നേരത്തെ ജമ്മു കാഷ്മീരിലെ പുല്വാമ ജില്ലയിലെ കങ്കന മേഖലയിലുണ്ടായ ഏറ്റുമുട്ടലില് ജെയ്ഷ ഇ മുഹമ്മദിലെ മൂന്നു ഭീകരരെ സൈന്യം വധിച്ചിരുന്നു. കഴിഞ്ഞ ദിവസം അതിര്ത്തിയില് വീണ്ടും പാകിസ്ഥാന് വെടിനിര്ത്തല് കരാര് ലംഘിച്ചു. ജമ്മു കാശ്മീരിലെ പൂഞ്ചില് ശനിയാഴ്ച രാത്രി എട്ടിനു യാതൊരു പ്രകോപനവും കൂടാതെയായിരുന്നു ഇന്ത്യന് പോസ്റ്റുകള്ക്ക് നേരെ ആക്രമണം ഉണ്ടായത്. പാക് വെടിവയ്പില് ഇന്ത്യന് സൈന്യത്തിന് യാതൊരു നാശനഷ്ടവും ഉണ്ടായില്ലെന്നും ശക്തമായി തിരിച്ചടിച്ചുവെന്നും അധികൃതര് അറിയിച്ചു.
