തണ്ണിത്തോട്: തണ്ണിത്തോട് ഫോറസ്റ്റ് സ്റ്റേഷന് ഉപരോധിച്ചു. മേനംപ്ലാക്കല് രാധാകൃഷ്ണന്റെ ആത്മഹത്യയില് സമഗ്ര അന്വേഷണം നടത്തുക, രാധാകൃഷ്ണനെ ഭീഷണിപ്പെടുത്തിയ ഫോറസ്റ്റ് ഉദ്യോഗസ്ഥര്ക്കെതിരെ നടപടി സ്വീകരിക്കുക, വനം വകുപ്പ് ഉദ്യോഗസ്ഥര്ക്കെതിരെ കൊലപാതക ശ്രമത്തിന് കേസ് എടുക്കുക എന്ന ആവശ്യങ്ങള് ഉന്നയിച്ചാണ് സിപിഐഎം തണ്ണിത്തോട്, തേക്കുതോട് ലോക്കല് കമ്മിറ്റി കളുടെ നേതൃത്വത്തില് ഉപരോധം നടത്തിയത്. ഉപരോധ യോഗം സിപിഐഎം ജില്ലാ സെക്രട്ടറി കെ പി ഉദയഭാനു ഉദ്ഘാടനം ചെയ്തു. സിപിഐഎം തേക്കുതോട് ലോക്കല് സെക്രട്ടറി ജിഷ്ണു മോഹന് അധ്യക്ഷത വഹിച്ചു.
സിപിഐഎം തണ്ണിത്തോട് മൂഴി ജംഗ്ഷനില് നിന്നും ആരംഭിച്ച വലിയ ജനാവലിയാണ് ഫോറസ്റ്റ് സ്റ്റേഷനില് എത്തിയത്. വനം വകുപ്പ് ഉദ്യോഗസ്ഥര് അകാരണമായി കഴിഞ്ഞ ദിവസം ചോദ്യം ചെയ്തതില് മനംനൊന്താണ് രാധാകൃഷ്ണന് എന്ന ഗൃഹനാഥന് ആത്മഹത്യാ ചെയ്തതെന്നും ആരോപിക്കുന്നു. സിഐടിയു ജില്ലാ പ്രസിഡന്റ് എസ് ഹരിദാസ്, സിപിഐഎം ഏരിയ സെക്രട്ടറി എം എസ് രാജേന്ദ്രന്, സിപിഐഎം തണ്ണിത്തോട് ലോക്കല് സെക്രട്ടറി പ്രവീണ് പ്രസാദ്, തണ്ണിത്തോട് ഗ്രാമപഞ്ചായത്ത് അംഗങ്ങളായ കെ ജെ ജെയിംസ്, വി വി സത്യന്, പി എന് പത്മകുമാരി, സി ഡി എസ് ചെയര്പേഴ്സണ് സി എസ് ബിന്ദു എന്നിവര് സംസാരിച്ചു
