ഗുരുവായൂര് : ഗുരുവായൂരപ്പന് കാണിക്കയായി ലഭിച്ച ‘ഥാര്’ പരസ്യലേലത്തിന് വയ്ക്കാന് ദേവസ്വം ഭരണസമിതി തീരുമാനിച്ചു. ഡിസംബര് 18 ശനിയാഴ്ച ഉച്ചക്ക് ശേഷം 3 മണിക്കാണ് പരസ്യ ലേലം നടത്തുക. ഗുരുവായൂരപ്പന് കാണിക്കയായി മഹീന്ദ്രയുടെ ന്യൂ ജനറേഷന് എസ്യുവി ഥാര് ലഭിച്ചത് കഴിഞ്ഞ ശനിയാഴ്ചയാണ്.
വാഹന വിപണിയില് തരംഗമായി മാറിയിരിക്കുന്ന ഏറ്റവും പുതിയ മഹീന്ദ്ര ന്യൂ ഥാര് ഫോര് വീല് ഡ്രൈവ് മഹീന്ദ്രാ ആന്റ് മഹീന്ദ്രാ ലിമിറ്റഡാണ് നടയ്ക്കല് സമര്പ്പിച്ചത്. റെഡ് കളര് ഡീസല് ഓപ്ഷന് ലിമിറ്റഡ് എഡിഷനാണ് സമര്പ്പിക്കപ്പെട്ടത്. ആരെയും ആകര്ഷിക്കുന്ന നിറമായതിനാല് വിപണിയില് നല്ല ഡിമാന്റുള്ള എസ്യുവിയാണ്. വിപണിയില് 13 മുതല് 18 ലക്ഷം വരെ വിലയുള്ളതാണ് വണ്ടി.
