ന്യൂഡല്ഹി : തൃണമൂലിലേക്കുള്ള കോണ്ഗ്രസ് നേതാക്കളുടെ കൂറുമാറ്റത്തില് ആശങ്കയില്ലെന്ന് സൂചിപ്പിച്ച് എഐസിസി ജനറല് സെക്രട്ടറി താരിഖ് അന്വര്. ആര്ക്കും ഏത് പാര്ട്ടിയിലും ചേരാം, ആരെയും ഒന്നിനും നിര്ബന്ധിക്കില്ല എന്നാണ് താരിഖ് അന്വര് അഭിപ്രായപ്പെട്ടത്. ‘മോദി സര്ക്കാരിനെതിരായ പോരാട്ടം കോണ്ഗ്രസ് തുടരും. കേരളത്തിലെ ഇടത് സര്ക്കാരിനും, കേന്ദ്രത്തിലെ മോദി സര്ക്കാരിനും എതിരായ പ്രക്ഷോഭം ശക്തമാക്കും. വിലക്കയറ്റം , തൊഴിലില്ലായ്മ എന്നിവയ്ക്കെതിരായാണ് പോരാട്ടം’ – അന്വര് അഭിപ്രായപ്പെട്ടു.
