തട്ടേക്കാട്: തട്ടേക്കാട് പക്ഷി സങ്കേതം നിയമപരമായി നിലനില്ക്കില്ലെന്ന് ഹൈക്കോടതിയില് ഹര്ജി. തട്ടേക്കാട് പക്ഷി സങ്കേതത്തിന്റെ കാര്യത്തില് കൃത്യമായ നടപടിക്രമങ്ങള് പാലിച്ചില്ലെന്നാണ് വാദം. നിലപാട് അറിയിക്കാന് സര്ക്കാരിന് ഹൈക്കോടതി നിര്ദേശം നല്കി. ജസ്റ്റിസ് വി.ജി. അരുണാണ് കിഫ എന്ന സംഘടനയുടെ ഭാരവാഹികള് സമര്പ്പിച്ച ഹര്ജി പരിഗണിച്ചത്.
ഹര്ജി ഓണാവധിയ്ക്ക് ശേഷം വീണ്ടും പരിഗണിക്കാന് ഹൈക്കോടതി തീരുമാനിച്ചു. എറണാകുളം ജില്ലയിലെ കുട്ടമ്പുഴ പഞ്ചായത്തിലെ ഒരു ഗ്രാമമാണ് തട്ടേക്കാട്. കോതമംഗലം പട്ടണത്തില് നിന്ന് 17 കിലോമീറ്റര് ദൂരത്തില് സ്ഥിതി ചെയ്യുന്ന ഒരു പ്രദേശമാണിത്. ഇവിടെയാണ് ഡോ. സാലിം അലി പക്ഷിസങ്കേതം സ്ഥിതി ചെയ്യുന്നത്.
