കൊച്ചി: കൊച്ചി പാലാരിവട്ടം പോലീസ് സ്റ്റേഷനില്നിന്ന് പ്രതി ചാടിപ്പോയി. ഇന്നലെ രാത്രി 8.15 ഓടെയാണ് സംഭവം. ബംഗ്ലാദേശ് സ്വദേശിയാണ് ചാടിപ്പോയത്. ശുചിമുറിയില് പോകുന്നതിനിടെയാണ് രക്ഷപ്പെട്ടത്. പ്രതി ഹദിയുള്ള ഖാനാണ് ശുചിമുറിയുടെ ജനല് വഴി രക്ഷപ്പെട്ടത്. കൃത്യമായി രേഖകളില്ലാതെ താമസിച്ചതിന് പിടികൂടിയ പ്രതികളില് ഒരാളാണ് ഹദിയുള്ള.
വിരലടയാളമെടുക്കുന്നതിനിടെ മൂത്രമൊഴിക്കാന് പോകണമെന്നാവശ്യപ്പെട്ട് ഇയാള് ശുചിമുറിയില് കയറുകയും ജനല്പ്പാളിയിളക്കി രക്ഷപ്പെടുകയുമായിരുന്നു. ശുചിമുറിയിലേക്ക് കയറിയ ഹദിയുള്ള തിരിച്ചിറങ്ങാതായതോടെയാണ് പോലീസ് പരിശോധന നടത്തിയത്. തുടര്ന്നാണ് ശുചിമുറിയുടെ ജനല്പ്പാളി ഇളക്കിമാറ്റിയതായി കണ്ടത്. ഗുരുതരസുരക്ഷാവീഴ്ചയാണ് പോലീസിന്റെ ഭാഗത്തുനിന്നുണ്ടായത്. രക്ഷപ്പെട്ട പ്രതിക്കായി നഗരത്തില് പോലീസ് പരിശോധന ശക്തമാക്കി.
