റാന്നി: വെച്ചൂച്ചിറ ഗ്രാമ പഞ്ചായത്ത് കമ്മറ്റി അനുവദിച്ച തുക, സെക്രട്ടറി കൈമാറാത്തതില് പ്രതിഷേധവുമായി വാര്ഡംഗം. പതിനാലാം വാര്ഡംഗം സിറിയക് തോമസാണ് പഞ്ചായത്ത് ഓഫീസിന് മുന്പില് ഏകാംഗ സമരം നടത്തിയത്. വെച്ചൂച്ചിറ
കവലയില് ജനങ്ങള്ക്ക് ഭീഷണിയായ കടന്നല് കൂട് നശിപ്പിച്ചതിന് ചിലവായ തുക പഞ്ചായത്ത് കമ്മറ്റി ചേര്ന്ന് അനുവദിച്ചിരുന്നു. എന്നാല് ഈ തുക സെക്രട്ടറി കൈമാറുന്നില്ലെന്നാണ് ആക്ഷേപം. മൂന്നാഴ്ച മുമ്പ് കവലയിലെ കേരള ബാങ്കിന് സമീപം ഉണ്ടായിരുന്ന കടന്നൽക്കൂട് ഇളകി ഇരുപതോളം പേരെ കുത്തിയിരുന്നു.
ഇതിന് സമീപത്തായി സ്കൂളുകൾ അടക്കം നിരവധി വ്യാപാര സ്ഥാപനങ്ങളും പ്രവര്ത്തിക്കുന്നുണ്ട്. അടിയന്തിര സാഹചര്യമായതിനാല് വാർഡംഗം ഇക്കാര്യത്തില് മുന്കൈ എടുത്തു. കടന്നൽക്കൂട് നീക്കുന്നതിനായി ആളെ കൊണ്ടുവന്ന് അവ സുരക്ഷിതമായി നീക്കി. ഇതിന് ചിലവായ തുക പഞ്ചായത്ത് കമ്മിറ്റി അംഗീകരിച്ച് നല്കി. എന്നാൽ സെക്രട്ടറി ആ തുക കൊടുക്കുവാൻ തയ്യാറാകുന്നില്ല. ഇതിനെ തുടർന്നാണ് വാർഡംഗം സിറിയക് തോമസ് പഞ്ചായത്ത് ഓഫീസിന് മുൻപിൽ ഏകാംഗ സമരം ആരംഭിച്ചത്.
