കോന്നി : പുനലൂർ മൂവാറ്റുപുഴ സംസ്ഥാന പാതയിൽ മുറിഞ്ഞകല്ലിനും തിനവിള പടിക്കും ഇടയിൽ പൈപ്പ് ലൈൻ പൊട്ടിയതിനെ തുടർന്ന് റോഡ് ഇടിഞ്ഞ് താഴ്ന്നിട്ടും പുനസ്ഥാപിക്കാൻ നടപടിയില്ല. രണ്ടാഴ്ചയോളം ആയി റോഡ് ഇടിഞ്ഞ് താഴ്ന്നിട്ട്. പൈപ്പ് പൊട്ടി റോഡിലൂടെ ആണ് വെള്ളം ഒഴുകുന്നത്. റോഡിൽ ഗർത്തം രൂപപെട്ടിട്ടും അധികൃതരുടെ ഭാഗത്ത് നിന്നും യാതൊരു പ്രതികരണവും ഇല്ല. കുറച്ച് നാളുകൾ മാത്രമേ ആയിട്ടുള്ളു ഈ ഭാഗത്തെ രണ്ടാം ഘട്ട ടാറിങ് പൂർത്തിയായിട്ട്. ഈ റോഡ് താഴ്ന്നത് അയ്യപ്പ ഭക്തർക്കും ഇരുചക്ര വാഹന യാത്രക്കാർക്കും വലിയ ഭീഷണിയാകുന്നുണ്ട്. റോഡ് ടാറിങ് കഴിഞ്ഞതിനാൽ ദൂരെ നിന്നും വേഗത്തിൽ വരുന്ന ഇരുചക്ര വാഹന യാത്രക്കാർ കുഴിയിൽ വീണ് അപകടം സംഭവിക്കുന്നതിനുള്ള സാധ്യത ഏറെയാണ്. ഈ നില തുടർന്നാൽ ടാറിങ് ഇളകി മാറി ഇവിടെ വലിയ ഗർത്തം രൂപപ്പെടുന്നതിന് കാരണമായി തീരും. മാത്രമല്ല ഭാരം കയറ്റിയ നിരവധി വാഹനങ്ങൾ ആണ് ദിവസേന ഇതുവഴി സഞ്ചരിക്കുന്നത്. വിഷയത്തിൽ അടിയന്തിര പരിഹാരം കാണണം എന്നും ആവശ്യമുയരുന്നു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
