ഇന്ഡോര്: മധ്യപ്രദേശിലെ ധര് ജില്ലയില് ബസ് നര്മദ നദിയിലേക്ക് വീണ് 13 പേര് മരിച്ചു. മഹാരാഷ്ട്രയിലേക്ക് പോവുകയായിരുന്ന ബസ് റോഡില് നിന്ന് തെന്നിമാറി കാലഘട്ട് പാലത്തിന്റെ കൈവരി തകര്ത്ത് നദിയിലേക്ക് വീഴുകയായിരുന്നു.
ആഗ്ര-മുംബൈ ഹൈവേയിലാണ് ഘാല്ഗട്ട്. കനത്ത മഴയും വെള്ളക്കെട്ടും ഉണ്ടായതിനാല് ബസ് റോഡില് നിന്ന് വഴുതിപ്പോയതാണെന്നാണ് പ്രാഥമിക വിവരം. ഘാല്ഖട്ടിലെ പാലത്തിന്റെ കൈവരികളും തകര്ത്ത് ബസ് പുഴയിലേക്ക് വീഴുകയായിരുന്നു. ബസ്സില് നാല്പ്പതിലധികം യാത്രക്കാര് ഉണ്ടായിരുന്നുവെന്നാണ് സൂചനകള്. അതേസമയം നദിയില് നല്ല ഒഴുക്ക് ഉള്ളതിനാല് മരണസംഖ്യ ഉയരാനാണ് സാധ്യതയെന്ന് പോലീസ് അറിയിച്ചു. സംഭവ സ്ഥലത്ത് ജില്ലാ ഭരണകൂടത്തിന്റെ നേതൃത്വത്തില് എല്ലാ രക്ഷാപ്രവര്ത്തനങ്ങളും പുരോഗമിക്കുകയാണ്. പരിക്കേറ്റവര്ക്ക് മതിയായ ചികിത്സ ഉറപ്പാക്കും.മരണപ്പെട്ടവരുടെ കുടുംബത്തിന്റെ വേദനയില് പങ്കുചേരുമെന്ന് മുഖ്യമന്ത്രി ശിവരാജ് സിങ് ചൗഹാന് ട്വീറ്റ് ചെയ്തു.
