റാന്നി: ഇരുചക്രവാഹന യാത്രക്കാരനെ രക്ഷിക്കാനുള്ള ശ്രമത്തില്‍ നിയന്ത്രണം നഷ്ടപ്പെട്ട കാര്‍ കടത്തിണ്ണയിലേക്ക് ഇടിച്ചു കയറി അപകടം. ഇന്നു രാവിലെ റാന്നി പേട്ട ജംങ്ഷനില്‍ ആയിരുന്നു സംഭവം. നിസാര പരിക്കേറ്റ യാത്രക്കാരെ പ്രഥമ ശുശ്രൂഷ നല്‍കി വിട്ടയച്ചു. ചെമ്പന്‍മുഖം-ശാലീശ്വരം റോഡില്‍ നിന്നെത്തിയ കാര്‍ മാമുക്ക്-തിരുവല്ല റോഡിലൂടെ എത്തിയ ഇരുചക്ര വാഹനത്തില്‍ തട്ടിയ ശേഷമാണ് എതിരെയുള്ള കടത്തിണ്ണയിലേയ്ക്ക് ഇടിച്ചു കയറിയത്. ഇറക്കം ഇറങ്ങി വന്ന കാര്‍ കടത്തിണ്ണയുടെ പടികള്‍ക്കു മുകളിലേയ്ക്ക് ഓടിക്കയറി താഴ്ചയിലേയ്ക്ക് ഇടിച്ചു ഇറങ്ങുകയായിരുന്നു.
