റാന്നി: ലഹരിവിരുദ്ധ ബോധവൽക്കരണപരിപാടി ‘യോദ്ധാവ്’ ൻ്റെ ഭാഗമായി റാന്നി ഈട്ടിച്ചുവട് എബെനെസർ സ്കൂളിൽ ലഹരി വിരുദ്ധ റാലിയും ബോധവൽകരണ ക്ലാസും സംഘടിപ്പിച്ചു. റാന്നി പോലീസ് ഇൻസ്പെക്ടർ എം ആർ സുരേഷിന്റെ നേതൃത്വത്തിലാണ് പരിപാടി നടന്നത്. പാലിയേറ്റിവ് കെയർ വൈസ് പ്രസിഡണ്ട് ഫാദർ ബിജു എ എസ് ക്ലാസ്സെടുത്തു. പി ടി എ പ്രസിഡന്റ് ജോജി പുതുവൽ അധ്യക്ഷത വഹിച്ചു. ഹെഡ് മാസ്റ്റർ കെ സി സിബിച്ചൻ സ്വാഗതം പറഞ്ഞു.
ലഹരിവിരുദ്ധ വിളംബരജാഥ പ്രിൻസിപ്പൽ ഫ്ലാഗ് ഓഫ് ചെയ്തു. കുട്ടികൾ ലഹരിവിരുദ്ധ പ്രതിജ്ഞയെടുത്തു. ജനമൈത്രി ബീറ്റ് ഓഫീസർ ആശ്വധീഷ് വിദ്യാർഥികൾക്ക് ലഹരിമരുന്നുകളുടെ അപകടത്തെപ്പറ്റിയുള്ള വിശദീകരണം നൽകി. പോലീസുദ്യോഗസ്ഥരും നാട്ടുകാരും കുട്ടികളും അധ്യാപകരും മാതാപിതാക്കളും പങ്കെടുത്തു. അധ്യാപിക മായ നന്ദി പറഞ്ഞു.
