ദില്ലി : ലോക്‌സഭ തെരഞ്ഞെടുപ്പ് അടുത്തിരിക്കുന്നു. കൃത്യം ഏത് മാസം ഏത് തീയതി തെരഞ്ഞെടുപ്പുണ്ടാകുമെന്നത് വ്യക്തമല്ലെങ്കിലും അതിന്‍റെ ലക്ഷണങ്ങള്‍ കണ്ടുതുടങ്ങിയിരിക്കുന്നു. ഇതിന്‍റെ ഒടുവിലത്തെ ഉദാഹരണമാണ് പാചകവാതക സിലിണ്ടറിന് വില കുറച്ചുകൊണ്ടുള്ള കേന്ദ്രസര്‍ക്കാര്‍ തീരുമാനം. ഇതുപ്രകാരം 200 രൂപയുടെ സബ്‌സിഡി ലഭിക്കുന്ന പ്രധാനമന്ത്രി ഉജ്ജ്വല പദ്ധതി ഗുണഭോക്താക്കള്‍ക്കാണെങ്കില്‍ 400 രൂപയുടെ ഇളവാണ് ലഭിക്കുക.
സാധാരണക്കാരനെ സംബന്ധിച്ച് ഏറ്റവും ആശ്വാസകരമാകുന്ന ഈ തീരുമാനമെത്തിയത് ഓഗസ്‌റ്റ് 30നാണ്. മാത്രമല്ല, ഉജ്വല പദ്ധതിയില്‍ കൂടുതല്‍ ആളുകളെ കൂടി ഉള്‍പ്പെടുത്താനാണ് കേന്ദ്രസര്‍ക്കാര്‍ തീരുമാനവും. എന്നാല്‍ ഓണവും രക്ഷാബന്ദനുമെല്ലാം ഒന്നിച്ചെത്തിയപ്പോള്‍ ജനങ്ങള്‍ക്ക് നല്‍കുന്ന സമ്മാനമെന്നായിരുന്നു ഇതിനോടുള്ള പ്രധാനമന്ത്രിയുടെ പ്രതികരണം. ജനജീവിതം ഇനിയും മെച്ചപ്പെടുമെന്നും ഇതിന് ദരിദ്രരും ഇടത്തരക്കാരുമായ ആളുകളുടെ ജീവിതനിലവാരം മെച്ചപ്പെടുത്താന്‍ സാധ്യമായതെല്ലാം ചെയ്യുമെന്നും പ്രധാനമന്ത്രിയുടെ ഉറപ്പും പിന്നാലെയെത്തി. ഇതൊക്കെ തന്നെയാണെങ്കിലും വിലക്കയറ്റിന് ഒരു പരിഹാരം കാണാന്‍ കേന്ദ്ര സര്‍ക്കാരിന് സാധിച്ചിട്ടില്ല എന്നത് പകല്‍ പോലെ വ്യക്തമാണ്.
കഴിഞ്ഞ ഒരു വര്‍ഷത്തിനിടെ 13 തവണയാണ് പാചക വാതകത്തിന്‍റെ വില ഉയര്‍ത്തി എന്നതും ചേര്‍ത്തുവായിക്കേണ്ടതുണ്ട്. കൂടാതെ എണ്ണ, പാചകവാതകം തുടങ്ങിയവയുടെ വിലയിലുള്ള വര്‍ധനവും പണപ്പെരുപ്പം കൂടാനിടയാക്കിയിട്ടുണ്ട്. എല്ലാം കൂടിയായതോടെ ആവശ്യസാധനങ്ങള്‍ക്ക് പോലും തൊട്ടാല്‍ പൊള്ളുന്ന വിലയിലുമെത്തി. എന്നാല്‍ നാളിതുവരെ അന്ധത ബാധിച്ച കേന്ദ്ര സര്‍ക്കാര്‍ തെരഞ്ഞെടുപ്പിനോട് അടുത്ത വേളയിലാണ് ജനങ്ങളുടെ ബുദ്ധിമുട്ടുകള്‍ തിരിച്ചറിയുന്നത്. മാത്രമല്ല മധ്യപ്രദേശില്‍ അധികാരത്തിലേറിയാല്‍ സിലിണ്ടറിന്‍റെ വില 500 രൂപയിലേയ്‌ക്ക് കുറയ്‌ക്കുമെന്ന് കോണ്‍ഗ്രസ് വാഗ്‌ദാനം ചെയ്യുമ്പോള്‍ വിട്ടുകൊടുക്കാനും ബിജെപി തയ്യാറല്ല.
450 രൂപക്ക് പാചകവാതകം, ആദായനികുതി പരിധിയിലില്ലാത്ത പാവപ്പെട്ട സ്ത്രീകളുടെ അക്കൗണ്ടിലേക്ക് 1000 രൂപ വീതം, രക്ഷാബന്ധന്‍ സമ്മാനമായി മറ്റൊരു 250 രൂപ എന്നിങ്ങനെയുള്ള വാഗ്‌ദാനങ്ങളാണ് തെരഞ്ഞെടുപ്പില്‍ കളം പിടിക്കാന്‍ മധ്യപ്രദേശ് മുഖ്യമന്ത്രി നല്‍കുന്ന വാഗ്‌ദാനങ്ങള്‍. എന്തിനേറെ പറയുന്നു അങ്ങ് ചന്ദ്രനില്‍ പോലും വര്‍ഗീയത നിറയ്‌ക്കുവാനുള്ള ബിജെപി ശ്രമം ഇനി അടുത്ത കുറച്ച് ദിവസത്തേക്ക് കാണാന്‍ സാധിക്കില്ല എന്നതും തെരഞ്ഞെടുപ്പിന്‍റെ പ്രത്യേകതയായി വിലയിരുത്താം. അതിനാല്‍ തന്നെയും മുസാഫര്‍ നഗറിലെ പ്രശ്‌നമടക്കം ഉയരുന്ന വിവാദങ്ങള്‍ക്കിടക്ക് ചെവി കൊടുക്കാതെ വാഗ്‌ദാനങ്ങളുടെ പെരുമഴ നിറച്ചുകൊണ്ടാണ് ബിജെപി കടന്നുപോകുന്നത്.
ഇതിനൊപ്പം വെറുപ്പിന്‍റെ രാഷ്‌ട്രീയം വച്ച് പുലര്‍ത്തുന്ന ബിജെപിക്കെതിരെ ഒന്നിച്ച് കൈകോര്‍ത്ത് മുന്നേറുന്ന ‘ഇന്ത്യ’ സഖ്യവും കേന്ദ്രസര്‍ക്കാരിന്‍റെ ഉറക്കം കെടുത്തിയിട്ടുണ്ട്. പ്രതിപക്ഷം ജനങ്ങളുടെ പ്രശ്‌നങ്ങള്‍ക്ക് ഊന്നല്‍ നല്‍കുമ്പോള്‍ മണിപ്പൂര്‍ പോലുള്ള വിഷയങ്ങളില്‍ അന്താരാഷ്ട്ര തലത്തില്‍ മങ്ങലേല്‍ക്കാതിരിക്കാനുള്ള ശ്രമത്തിലായിരുന്നു പ്രധാനമന്ത്രി. തെരഞ്ഞെടുപ്പിന്‍റെ വക്കിലെത്തിയത് കൊണ്ടുതന്നെ ഇനിയങ്ങോട്ട് ആരെയും ഞെട്ടിക്കുന്ന വിലയിടിവും സൗജന്യങ്ങള്‍ക്കുമൊപ്പം സാഹോദര്യം പറഞ്ഞും ബിജെപി കളം പിടിക്കുമെന്നതും തീര്‍ച്ചയാണ്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – ptamedianews@gmail.com
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – sales@eastindiabroadcasting.com
———————-
ചീഫ് എഡിറ്റര്‍ – 94473 66263, 85471 98263, 0468 2333033
