തിരുവല്ല: മുറിവേറ്റവനെ കൂടെ ചേർക്കുന്നതാണ് ക്രൈസ്തവ ദൗത്യമെന്നും വെറുപ്പും വിദ്വേഷവുമുള്ള സാഹചര്യത്തിൽ സാഹോദര്യ ഭാഗത്തുള്ള എല്ലാവരെയും കാണുവാനും പരസ്പരം ബഹുമാനിക്കുവാനും കഴിയണമെന്ന് കേരള കൗൺസിൽ ഓഫ് ചർച്ചസ് പ്രസിഡന്റ് അലക്സിയോസ് മാർ യൗസേബിയോസ് മെത്രാപ്പോലീത്ത പറഞ്ഞു. കെ സി സി സഭ ഐക്യ പ്രാർത്ഥന വാരത്തിന്റെ സംസ്ഥാന തല ഉദ്ഘാടനം കാവുംഭാഗം എബനേസർ മാർത്തോമ്മാ പള്ളിയിൽ നിർവഹിച്ചു സംസാരിക്കുകയായിരുന്നു അദ്ദേഹം.
ജനറൽ സെക്രട്ടറി ഡോ. പ്രകാശ് പി. തോമസ് അധ്യക്ഷത വഹിച്ചു. ഡോ. ഗീവറുഗീസ് മാർ കൂറിലോസ് ,മാത്യൂസ് മാർ സിൽവാനിയോസ് എന്നിവർ അനുഗ്രഹ സന്ദേശം നൽകി. ഫാ. ജെറി കുര്യൻ കോടിയാട്ട് മുഖ്യ പ്രഭാഷണം നടത്തി. വികാരി റവ രാജു തോമസ്, സംസ്ഥാന സമതി അംഗങ്ങളായ റവ. അലക്സ് പി. ഉമ്മൻ, ജോജി പി.തോമസ്, സോണൽ സെക്രട്ടറി ലിനോജ് ചാക്കോ , റവ. ഡോ.ജോസ് പുനമഠം, ഫാ.ഡോ ജോൺ മാത്യു, റവ. ബിനു വർഗീസ്, , വർഗീസ് ടി. മങ്ങാട്, ബെൻസി തോമസ് , ആനി ചെറിയാൻ ഫാ. ഏബ്രാഹാം കോശി എന്നിവർ പ്രസംഗിച്ചു.
