അങ്കമാലി: കഞ്ചാവ് കടത്ത് കേസിലെ പ്രതിക്ക് 36 വര്ഷം കഠിനതടവും മൂന്നു ലക്ഷം രൂപ പിഴയും ശിക്ഷ. കേസില് ഒന്നാംപ്രതി പെരുമ്പാവൂര് കാഞ്ഞിരക്കാട് കളപ്പുരക്കുടിയില് അനസിനെ (41) യാണ് എറണാകുളം അഡീഷണല് സെഷന്സ് ആൻഡ് ജില്ലാ കോടതി ശിക്ഷ വിധിച്ചിരിക്കുന്നത്. രണ്ടും മൂന്നും പ്രതികളായ ചേലാമറ്റം കുന്നക്കാട്ടുമല പഠിപ്പുരക്കല് വീട്ടില് ഫൈസല് (35), ശംഖുമുഖം പുതുവല് പുത്തന്വീട്ടില് വര്ഷ (22) എന്നിവര്ക്ക് 12 വര്ഷം തടവും ഒരു ലക്ഷം രൂപ പിഴയും ശിക്ഷ വിധിച്ചു.
ആലപ്പുഴ കൊട്ടകാട്ടുശേരി മുനീര്മന്സിലില് മുനീര് (30), അടൂര് വടക്കേടത്തുകാവ് ഷമീര് മന്സിലില് ഷമീര് (31), വെങ്ങോല കണ്ടന്തറ പുളിക്കക്കുടി അബു താഹിര് (സവാള-31), ആന്ധ്രാപ്രദേശ് ഹുക്കുംപേട്ട സ്വദേശി ബലോര്ദ ബോഞ്ചു ബാബു (34), പെരുമ്പാവൂര് കാഞ്ഞിരക്കാട് ചെന്താരയില് മുഹമ്മദ് ഫറൂക്ക് (25) എന്നിവരെ 12 വര്ഷത്തേക്കും ശിക്ഷിക്കുകയും ചെയ്തു.
