ന്യൂഡല്ഹി: രാജ്യത്തെ സര്വകലാശാലകളിലെ ബിരുദ പ്രവേശനത്തിനായി നടത്തിയ CUET (UG) പരീക്ഷാഫലം പ്രഖ്യാപിച്ചു. വിദ്യാര്ഥികള്ക്ക് http://cuet.nta.nic.in എന്ന വെബ്സൈറ്റിലൂടെ ഫലമറിയാമെന്ന് എന്ടിഎ അറിയിച്ചു.എന്ടിഎയുടെ റിപ്പോര്ട്ട് പ്രകാരം, 15,68,867 പേരാണ് 2026ലെ CUET (UG) പരീക്ഷക്ക് രജിസ്റ്റര് ചെയ്തിരുന്നത്. അതില് 11,64,098 പേര് പരീക്ഷയെഴുതി ഫലം കാത്തിരിക്കുന്നവരാണ്. പുതിയ അധ്യയനവര്ഷത്തിലേക്കുള്ള സര്വകലാശാല ബിരുദ പ്രവേശന പരീക്ഷകള് പൂര്ണമായും കമ്പ്യൂട്ടറിഷ്ഠിതമായിരുന്നെന്നാണ് വിവരം.
മെയ് 11-31 തീയതികള്ക്കിടെ പല ദിവസങ്ങളിലായുള്ള ആദ്യഘട്ടവും ജൂണ് 6,7 തീയതികളിലെ രണ്ടാം ഘട്ടവുമായാണ് ഇത്തവണ പരീക്ഷ നടന്നത്.കഴിഞ്ഞ വര്ഷത്തെ അപേക്ഷിച്ച് പരീക്ഷാര്ഥികളുടെ എണ്ണത്തില് പതിനഞ്ച് ശതമാനത്തിലേറെ വര്ധനയുണ്ടായെന്നാണ് എന്ടിഎ ഏജന്സിയുടെ റിപ്പോര്ട്ട്. 2025 ല് 13,54,699 പരീക്ഷാര്ഥികള് മാത്രമുണ്ടായിരുന്നിടത്ത് 15,68,867 പേരാണ് ഇത്തവണ പരീക്ഷക്കായി രജിസ്റ്റര് ചെയ്തത്.ഫലമറിയാന്- http://cuet.nta.nic.in എന്ന വെബ്സൈറ്റ് സന്ദര്ശിക്കാം
