പത്തനംതിട്ട : കണ്ണൂർ ജില്ലാ പഞ്ചായത്ത് പ്രസിഡന്റ് പി.പി ദിവ്യ ഉൾപ്പെടെയുള്ള സി.പി.എം നേതാക്കളുടെ ക്രൂര പീഡനത്തെ തുടർന്ന് മരണപ്പെട്ട എ.ഡി.എം ആയിരുന്ന നവീൻ ബാബുവിന്റെ കുടുംബാംഗങ്ങളെ അദ്ദേഹത്തിന്റെ ഒന്നാം ചരമവാർഷിക ദിനത്തിൽ ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പിൽ, സംഘടനാകാര്യ ജനറൽ സെക്രട്ടറി സാമുവൽ കിഴക്കുപുറം, ജനറൽ സെക്രട്ടറിമാരായ എലിസബത്ത് അബു, എം.വി ഫിലിപ്പ്, കോൺഗ്രസ് മണ്ഡലം പ്രസിസന്റ് ദിലീപ്കുമാർ പൊതീപ്പാട് മറ്റ് നേതാക്കൾ എന്നിവർ മലയാലപ്പുഴയിലെ വസതിയിൽ എത്തി സന്ദർശിച്ചു.
നവീൻ ബാബുവിന്റെ സഹധർമ്മിണി മഞ്ജുഷ, സഹോദരൻ, മക്കൾ, മറ്റ് ബന്ധുക്കൾ എന്നിവരോട് പുനരന്വേഷണം ആവശ്യപ്പെട്ട് കുടുംബം നടത്തുന്ന നിയമ പോരാട്ടങ്ങളെക്കുറിച്ച് ചോദിച്ച് അറിയുകയും ആവശ്യമായ പിൻതുണ വാഗ്ദാനം ചെയ്യുകയും ചെയ്തു. നവീൻ ബാബുവിന്റെ മരണത്തിലെ ദുരൂഹത നീക്കുന്നതിനും കുറ്റവാളികൾ ശിക്ഷിക്കപ്പെടുന്നതിനും ഉതകുന്ന അന്വേഷണം അനിർവാര്യമാണെന്നും യു.ഡി.എഫ് അധികാരത്തിൽ വരുമ്പോൾ ഇതിനാവശ്യമായ സി.ബി.ഐ അന്വേഷണത്തിനായി വേണ്ട എല്ലാ നടപടികളും കൈക്കൊള്ളുമെന്ന് ഡി.സി.സി പ്രസിഡന്റും ഭാരവാഹികളും കുടുംബത്തിന് ഉറപ്പ് നല്കി. എ.ഡി.എം നവീൻ ബാബുവിന്റെ ദുരൂഹ മരണം സംഭവിച്ച സമയം മുതൽ കോൺഗ്രസ്, യു.ഡി.എഫ് നേതാക്കൾ നല്കിക്കൊണ്ടിരിക്കുന്ന പിൻതുണക്ക് കുടുംബാംഗങ്ങൾ നന്ദി അറിയിച്ചതായി ഡി.സി.സി നേതാക്കൾ വ്യക്തമാക്കി.
