ചെങ്ങന്നൂര് : കണ്ടെയിന്മെന്റ് സോണുകളായി പ്രഖ്യാപിച്ച നഗരസഭാ വാർഡുകൾക്ക് എതിര് വശത്തുവരുന്ന കണ്ടെയിന്മെന്റ് ആകാത്ത പ്രദേശങ്ങളിലെ വ്യാപാരസ്ഥാപനങ്ങൾ മുൻസിപ്പൽ അധികൃതർ അടപ്പിച്ചത് അപലപനീയമെന്ന് വ്യാപാരി വ്യവസായി ഏകോപന സമിതി. കലക്ടറുടെ ഉത്തരവ് പ്രകാരമാണ് അടപ്പിച്ചത് എന്ന് പറയുമ്പോൾ പോലും. അതുമായി ബന്ധപ്പെട്ട മുന്നറിയിപ്പുകൾ ഒന്നുംതന്നെ ഇല്ലാത്തതിനാൽ ഇന്ന് കടകള് തുറന്നു പ്രവർത്തിക്കുവാൻ അനുവാദമുള്ള സ്ഥാപനങ്ങൾഅടപ്പിക്കരുതെന്ന് വ്യാപാരി വ്യവസായി ഏകോപന സമിതി ആവശ്യപ്പെട്ടു.
രോഗവ്യാപനം കുറയ്ക്കുന്നതിനു വേണ്ടി മൈക്രോ കണ്ടെയിന്മെന്റ് സോണുകൾ നിശ്ചയിക്കുന്നതിന് മുനിസിപ്പാലിറ്റിയും ആരോഗ്യവകുപ്പും മുന്കൈഎടുക്കണമെന്നും കണ്ടെയിന്മെന്റ് സോണുകളായി പ്രഖ്യാപിച്ചിട്ടുള്ള വാർഡുകളിലെ വഴികളെല്ലാം തന്നെ ഇപ്പോൾ തുറന്നു കിടക്കുമ്പോൾ വ്യാപാരസ്ഥാപനങ്ങൾ മാത്രം അടച്ചിടുന്നതുകൊണ്ട് മാത്രം രോഗവ്യാപനം കുറയുകയില്ല.
മൈക്രോ കണ്ടോൺമെന്റ് സോണുകൾ നിശ്ചയിക്കുമ്പോൾ വ്യാപാരികളുടെ അഭിപ്രായം കൂടി പരിഗണിക്കണമെന്ന് അടിയന്തരമായി കൂടിയ ഓൺലൈൻ മീറ്റിങ്ങിൽ മർച്ചന്റ് അസോസിയേഷൻ (ചെങ്ങന്നൂർ വ്യാപാരി വ്യവസായി ഏകോപന സമിതി) ആവശ്യപ്പെട്ടു. യോഗത്തിൽ ജേക്കബ് വി സക്കറിയ അധ്യക്ഷത വഹിച്ചു. അനസ് പൂവാലം പറമ്പിൽ, ആനന്ദ് കുമാർ, അലക്സ് ഏറ്റു വള്ളിയിൽ രഞ്ജിത്ത് ഖാദി അനിൽകുമാർ, അനൂപ് മേലേപാണ്ടിയിൽ തുടങ്ങിയവർ പങ്കെടുത്തു.