ശബരിമല : ഹൈക്കോടതി പല തവണ രൂക്ഷമായ ഭാഷയിൽ പറഞ്ഞിട്ടും
സ്വർണകൊള്ളയിലെ വമ്പൻ സ്രാവുകളെ പിടികൂടാൻ വൈകുന്നത് ദുരൂഹത വർധിപ്പിക്കുന്നായി എ ഐ സി സി ജനറൽ സെക്രട്ടറി ഡോ.വി കെ അറിവഴകൻ.
ശബരിമല ദർശനത്തിനെതിയതായിരുന്നു അദ്ദേഹം. ആദ്യ ഘട്ടത്തിൽ എസ് ഐ ടി കാട്ടിയ ആവേശം ഇപ്പോൾ കെട്ടടങ്ങിയതായി സംശയിക്കുന്നു. കോടതിക്കുപോലും ഈ സംശയം ഉണ്ടാകുന്നു. ചെറു മീനുകളിൽ മാത്രമാണ് ഇവർക്ക് താൽപ്പര്യം. ലോക വിപണിയിലേക്ക് ക്ഷേത്ര മുതലുകൾ കടത്തിയെന്ന ആരോപണം എസ് ഐ ടി ഗൗരവമായി എടുക്കണം.
മുൻ ദേവസ്വം ബോർഡ് അംഗങ്ങളെയും പ്രതി ചേർക്കണം. ദേവസ്വം മന്ത്രിമാരുടെ പങ്കും അന്വേഷിക്കണം. സ്മാർട്ട് ക്രിയേഷൻസിനു പിന്നിലും വൻ തോക്കുകൾ ഉണ്ടാകാമെന്നും അറിവഴകൻ പറഞ്ഞു. ശബരിമല ഉൾപ്പെടെയുള്ള ക്ഷേത്രങ്ങളോട് സിപിഎം ന് ഉള്ള അസഹിഷ്ണുതയാണ് ഇതുപോലെയുള്ള കൊള്ളക്ക് പ്രേരകം.
ഇതിനെതിരെ പ്രബുദ്ധ കേരള ജനത പ്രതികരിച്ചു തുടങ്ങിയതായും അദ്ദേഹം പറഞ്ഞു.
ഡിസിസി വൈസ് പ്രസിഡന്റ് വെട്ടൂർ ജ്യോതിപ്രസാദ്, സുനിൽ യമുന എന്നിവർക്കൊപ്പമാണ് ദർശനം നടത്തിയത്.
