പത്തനംതിട്ട : ജില്ലാതല ഓണം വാരാഘോഷം നാളെ (12) അടൂരില് സമാപിക്കും. വൈകുന്നേരം മൂന്നിന് സാംസ്കാരിക ഘോഷയാത്ര നടക്കും. അടൂര് ജനറല് ആശുപത്രി ജംഗ്ഷനില് നിന്ന് ആരംഭിക്കുന്ന ഘോഷയാത്ര ടൗണ് വഴി ഗാന്ധിസ്മൃതി മൈതാനിയില് എത്തി സമാപിക്കും. ഇതര സംസ്ഥാനങ്ങളില് നിന്ന് ഉള്പ്പെടെ നിരവധി കലാരൂപങ്ങളും നിശ്ചലദൃശ്യങ്ങളും ഘോഷയാത്രയില് അണിനിരക്കും. വാദ്യമേളങ്ങളുടെയും മുത്തുക്കുടകളുടെയും അകമ്പടിയോടുകൂടി നടക്കുന്ന ഘോഷയാത്രയില് തെയ്യം, ശിങ്കാരിമേളം, പുലികളി, റോളര് സ്കേറ്റിംഗ് തുടങ്ങിയവ അണിനിരക്കും. ചടങ്ങില് രാഷ്ട്രീയ, സാമൂഹിക, സാംസ്കാരിക രംഗത്തെ പ്രമുഖര് പങ്കെടുക്കും.
ഡെപ്യൂട്ടി സ്പീക്കര് ചിറ്റയം ഗോപകുമാറിന്റെ അധ്യക്ഷതയില് ചേരുന്ന സമാപന സമ്മേളനം തദ്ദേശസ്വയംഭരണ വകുപ്പ് മന്ത്രി എം.ബി. രാജേഷ് ഉദ്ഘാടനം ചെയ്യും. തുടര്ന്ന് നടക്കുന്ന കലാസന്ധ്യ ആരോഗ്യവകുപ്പ് മന്ത്രി വീണാ ജോര്ജ് ഉദ്ഘാടനം ചെയ്യും. ആന്റോ ആന്റണി എംപി, എംഎല്എമാരായ അഡ്വ. മാത്യു റ്റി തോമസ്, അഡ്വ. കെ.യു. ജനീഷ്കുമാര്, അഡ്വ. പ്രമോദ് നാരായണന്, ജില്ലാ പഞ്ചായത്ത് പ്രസിഡന്റ് അഡ്വ. ഓമല്ലൂര് ശങ്കരന്, വൈസ് പ്രസിഡന്റ് സാറാ തോമസ്, അടൂര് നഗരസഭ ചെയര്മാന് ഡി. സജി, ജില്ലാ സ്പോര്ട്സ് കൗണ്സില് പ്രസിഡന്റ് കെ. അനില്കുമാര്, ചലച്ചിത്രതാരങ്ങാളായ മധുപാല്, ജയന് ചേര്ത്തല, മോഹന് അയിരൂര്, തമിഴ് സിനിമാരംഗത്തെ പുതുമുഖ നടി ഗൗരി ജി കൃഷ്ണന് തുടങ്ങിയവര് പ്രസംഗിക്കും. തുടര്ന്ന് പ്രശാന്ത് പുന്നപ്ര നയിക്കുന്ന കോമഡി മെഗാഷോ നടക്കും. സമാപന ഘോഷയാത്രയിലും സമ്മേളനത്തിലും മുഴുവന് ബഹുജനങ്ങളുടെയും പങ്കാളിത്തം ഉണ്ടാകണമെന്ന് സംഘാടകസമിതി ചെയര്മാന് കൂടിയായ ഡെപ്യൂട്ടി സ്പീക്കര് ചിറ്റയം ഗോപകുമാര് അഭ്യര്ഥിച്ചു.
