ഡൽഹി: ഉപരാഷ്ട്രപതി തെരഞ്ഞെടുപ്പ് തീയതി പ്രഖ്യാപിച്ച് തെരഞ്ഞെടുപ്പ് കമ്മീഷൻ. സെപ്തംബർ 9 നാണ് തെരെഞ്ഞെടുപ്പ്. നാമനിർദ്ദേശപത്രിക സമർപ്പിക്കുവാനുള്ള അവസാന തീയതി ഓഗസ്ത് 21ന്. ഉപരാഷ്ട്രപതിയായിരുന്ന ജഗ്ധീപ്ധൻകറിന്റെ അപ്രതീക്ഷിത രാജിയിൽ ദുരൂഹത നിലനിൽക്കെയാണ് തെരഞ്ഞെടുപ്പ് പ്രഖ്യാപനം. അതേസമയം തങ്ങൾക്ക് രാഷ്ട്രീയനേട്ടമുണ്ടാക്കുന്ന സ്ഥാനാർത്ഥിക്കായുള്ള കരുനീക്കങ്ങൾ എൻ.ഡി.എ ആരംഭിച്ചു. പാർലമെന്റിന്റെ വർഷകാല സമ്മേളനം തുടങ്ങിയ ദിവസം തന്നെയുള്ള ഉപരാഷ്ട്രപതി ജഗധീപ് ധൻകറിന്റെ രാജി വിവാദമായിരിക്കെയാണ് പുതിയ ഉപരാഷ്ട്രപതി തിരഞ്ഞെടുപ്പിന്റെ തീയതി തെരഞ്ഞെടുപ്പ് കമ്മീഷൻ പ്രഖ്യാപിച്ചത്.
സെപ്റ്റംബർ 9നാണ് വോട്ടെടുപ്പ്, അതേ ദിവസം തന്നെ വോട്ടെണ്ണലും നടക്കും. നാമനിർദ്ദേശ പത്രിക സമർപ്പിക്കുവാനുള്ള തീയതി ഓഗസ്റ്റ് 21ന് അവസാനിക്കും. പത്രിക പിൻവലിക്കുവാനുള്ള അവസാന തീയതി ആഗസ്ത് 25നാണ്. ബീഹാർ തിരഞ്ഞെടുപ്പ് നടക്കാനിരിക്കെ തങ്ങൾക്ക് രാഷ്ട്രീയ ഗുണമുള്ള സ്ഥാനാർത്ഥിയെ കണ്ടെത്താനുള്ള നീക്കങ്ങൾ എൻഡിഎ തുടരുന്നെങ്കിലും പേര് സംബന്ധിച്ച് അന്തിമ തീരുമാനമായില്ല. പ്രതിപക്ഷമായ ഇന്ത്യ സഖ്യവും ഉപരാഷ്ട്രപതി സ്ഥാനത്തേക്ക് മത്സരിക്കുമെന്ന് പ്രഖ്യാപിച്ചിരുന്നു.
