പത്തനംതിട്ട : ഇലന്തൂർ ശ്രീ ചിത്തിരവിലാസം മാർക്കറ്റിൽ പുതിയതായി നിർമ്മിക്കുന്ന ഷോപ്പിംഗ് കോംപ്ലക്സിൻ്റെ ശിലാസ്ഥാപനവും നിർമ്മാണ ഉദ്ഘാടനവും ആദരണീയനായ പത്തനംതിട്ട എം പി. ആൻ്റോ ആൻ്റണി നിർവഹിച്ചു. ഇലന്തൂർ നിവാസികളുടെ വികസന വളർച്ചയ്ക്ക് ഏറെ കരുത്ത് പകരുന്ന ഇലന്തൂർ മാർക്കറ്റിൽ പുതിയതായി പണികഴിപ്പിക്കുന്ന ഷോപ്പിംഗ് കോംപ്ലക്സിൻ്റെ രണ്ടാം നിലയിൽ കമ്മ്യൂണിറ്റി ഹാൾ പണിയുന്നതിന് എം.പിയുടെ പ്രാദേശിക വികസന ഫണ്ടിൽ നിന്ന് ആവശ്യമായ തുക അനുവദിക്കുമെന്ന് എം.പി ഉറപ്പ് നൽകി. ഗ്രാമപഞ്ചായത്ത് പ്രസിഡൻ്റ് ജയശ്രീ മനോജ് അദ്ധ്യക്ഷത വഹിച്ചു.
ഗ്രാമ പഞ്ചായത്ത് വൈസ് പ്രസിഡൻ്റ് വിൻസൻ തോമസ് ചിറക്കാല, മുൻ പഞ്ചായത്ത് പ്രസിഡൻ്റ് മേഴ്സി മാത്യു, മുൻ വൈസ് പ്രസിഡൻറ് മാരായ പി.എം.ജോൺസൺ, എം.എസ് സിജു, ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ സ്റ്റാൻറ്റിംഗ് കമ്മിറ്റി അംഗം സാലി ലാലു, പഞ്ചായത്ത് വികസന കാര്യ സ്റ്റാൻറ്റിംഗ് കമ്മിറ്റി ചെയർപേഴ്സൺ ഇന്ദിര ഇ.എ, ബ്ലോക്ക് പഞ്ചായത്ത് അംഗം അജി അലക്സ്, ഗ്രാമ പഞ്ചായത്ത് അംഗങ്ങളായ ഗീതാ സാദാശിവൻ, തുളസിയമ്മ കെ.ആർ, സുരേഷ് കെ.ജി, ഗ്രേസി ശമൂവൽ, പഞ്ചായത്ത് സെക്രട്ടറി സന്ദീപ് ജേക്കബ്, എ.ഇ ഷാനാവസ് ഇ, കുടുംബശ്രീ ചെയർപേഴ്സൺ ഗിരിജ വിജയൻ, മുൻ ബ്ലോക്ക് പഞ്ചായത്ത് പ്രസിഡൻ്റ് മാരായ എം.ബി.സത്യൻ, ജെറി മാത്യു സാം, പൊതുപ്രവർത്തകരായ സനില സുനിൽ, വിനോദ് ജി.നായർ, ജോൺസ് യോഹന്നാൻ, കെ.ജി. റെജി, സാമൂഹിക പ്രവർത്തക മഞ്ജു വിനോദ് ഇലന്തൂർ എന്നിവർ പ്രസംഗിച്ചു. നിർമ്മാണ ഉദ്ഘാടനത്തിന് മുന്നോടിയായി ഇലന്തൂർ സ്റ്റേഡിയം ജംഗ്ഷനിൽ നിന്ന് ഇലന്തൂർ മാർക്കറ്റ് ജം ഗഷനിലേക്ക് നടത്തപ്പെട്ട വിളംബര ഘോഷയാത്രയ്ക്ക് എം.പി.ആൻ്റോ ആൻ്റണിക്ക് ഒപ്പം , കുടുംബശ്രീ പ്രവർത്തകർ, അംഗനവാടി വർക്കർമാർ, ആശ പ്രവർത്തകർ, ഹരിത കർമ്മ സേന പ്രവർത്തകർ, ജനപ്രതിനിധികൾ എന്നിവർ നേതൃത്വം നൽകി.
