പത്തനംതിട്ട : കേരളത്തിലെ ആയിരക്കണക്കിന് വരുന്ന പെൻഷൻകാരോട് സർക്കാർ കടുത്ത അവഗണനയാണ് കാണിക്കുന്നതെന്ന് യുഡിഎഫ് ജില്ലാ ചെയർമാനും കേരളാ കോൺഗ്രസ് ജില്ല പ്രസിഡന്റുമായ അഡ്വ. വർഗ്ഗീസ് മാമ്മൻ പ്രസ്താവിച്ചു. കേരളാ സർവ്വീസ് സ്റ്റേറ്റ് പെൻഷനേഴ്സ് അസോസിയേഷൻ കേരളപ്പിറവി ദിവസം സംസ്ഥാന വ്യാപകമായി നടത്തുന്ന വഞ്ചനാ ദിനത്തിന്റെ ഭാഗമായി തിരുവല്ല സബ്ട്രഷറിയ്ക്ക് മുമ്പിൽ നടത്തുന്ന സമരപരിപാടിയുടെ ജില്ല തല ഉദ്ഘാടനം നിർവ്വഹിക്കുകയായിരുന്നു അദ്ദേഹം.
പെൻഷൻകാർക്ക് 6 ക്ഷാമാശ്വാസം കുടിശ്ശികയായി നിൽക്കുകയാണ്. തടഞ്ഞുവെച്ചിരിക്കുന്ന പെൻഷൻ പരിഷ്കരണവും ക്ഷാമാശ്വാസവും നൽകാത്തത് സർക്കാർ കാണിക്കുന്ന വഞ്ചനയാണെന്നും അഡ്വ. വർഗ്ഗീസ് മാമ്മൻ പറഞ്ഞു. സർക്കാർ ജീവനക്കാരുടേയും പെൻഷൻകാരുടേയും വർഷങ്ങളായി നിലനിൽക്കുന്ന ശമ്പളപരിഷ്കരണ ആവശ്യവും സർക്കാർ നടപ്പിലാക്കിയിട്ടില്ല. എൽഡിഎഫ് സർക്കാർ പെൻഷൻകാരെയും സർക്കാർ ജീവനക്കാരെയും വഞ്ചിച്ചിരിക്കുകയാണെന്നും അഡ്വ. വർഗ്ഗീസ് മാമ്മൻ പ്രസ്താവിച്ചു. കേരളാ സർവ്വീസ് സ്റ്റേറ്റ് പെൻഷനേഴ്സ് അസോസിയേഷൻ തിരുവല്ല താലൂക്ക് പ്രസിഡന്റ് പിഎം മാത്യു അധ്യക്ഷത വഹിച്ചു. വൈസ് പ്രസിഡന്റ് ഉമ്മൻ സി ജോൺ, സെക്രട്ടറി കെഎ ശാന്തകുമാരി എന്നിവർ പ്രസംഗിച്ചു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
