റാന്നി: അധികൃതര്‍ അയോഗ്യനെന്നു വിലയിരുത്തി ലൈഫ് പദ്ധതിയില്‍ നിന്നും പുറത്താക്കിയ തൊഴിലാളിയുടെ വീട് തകര്‍ന്നു വീണു. നാറാണംമൂഴി ഗ്രാമ പഞ്ചായത്തില്‍ തോമ്പിക്കണ്ടം വലിയപതാല്‍ മാവുങ്കല്‍ എം.എ വിജയന്റെ വീടാണ് തകര്‍ന്നു വീണത്. ശനിയാഴ്ച രാവിലെ പതിനൊന്നരയോടാണ് വലിയ ശബ്ദത്തോടെ വീട് തകര്‍ന്നത്. സംഭവസമയം വീട്ടില്‍ ആരും ഇല്ലാതിരുന്നതിനാല്‍ വലിയ അപകടത്തില്‍ നിന്നും രക്ഷ നേടാനായി. നേരത്തെ മേല്‍ക്കൂരയിലെ ഓടുകളും പട്ടികയും പോയിരുന്നതിനാല്‍ പടുത ഉപയോഗിച്ചാണ് ഇവര്‍ മഴയും വെയിലും ഏല്‍ക്കാതെ കഴിഞ്ഞിരുന്നത്.
വേനല്‍ മഴ പെയ്തതോടെ വീടിന്റെ ഭിത്തി നനഞ്ഞു വീട് തകരുകയായിരുന്നു. ലൈഫ് പദ്ധതിയില്‍ പല തവണ വിജയന് അപേക്ഷ സമര്‍പ്പിച്ചിരുന്നെങ്കിലും അനാവശ്യ വാദങ്ങള്‍ നിരത്തി ഓരോ തവണയും ഉദ്യോഗസ്ഥര്‍ തള്ളുകയായിരുന്നു. ടാപ്പിംങ് തൊഴിലാളിയായ വിജയന് റേഷന്‍ കാര്‍ഡിലെ വരുമാനം അധികമാണെന്നും താമസിക്കുന്ന പഴയ വീടിന്റെ വിസ്തീര്‍ണ്ണം വലുതാണെന്നും കാട്ടിയാണ് പദ്ധതിയില്‍ നിന്നും പുറത്താക്കിയത്. എന്നാല്‍ ഇതേ ഉദ്യോഗസ്ഥര്‍ മാനദണ്ഡം കാറ്റില്‍ പറത്തി വീടുകള്‍ അനുവദിച്ച സംഭവം ഇവിടുണ്ട്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
