കൊച്ചി: പിഡിപി നേതാവിനെതിരെ പോലീസില് പരാതി നല്കി മാധ്യമ പ്രവര്ത്തക. വാട്സാപ്പിലൂടേ നിരന്തരം അശ്ലീല സന്ദേശം അയച്ച പിഡിപി സംസ്ഥാന ജനറല് സെക്രട്ടറി നിസാര് മേത്തറിനെതിരെയാണ് മാധ്യമ പ്രവര്ത്തക പരാതി നല്കിയത്. രാത്രിയെന്നോ പകലെന്നോ ഇല്ലാതെ ഇയാള് നിരന്തരം ശല്യം ചെയ്യുന്നുവെന്നും കൊച്ചിയിലെ മാധ്യമപ്രവര്ത്തകയുടെ പരാതിയില് പറയുന്നു.
പിഡിപി നേതാവ് അബ്ദുള് നാസര് മഅദനി കേരളത്തില് എത്തിയ ഘട്ടത്തില് അദ്ദേഹത്തിന്റെ ആരോഗ്യപ്രശ്നങ്ങള് ഉള്പ്പെടയുള്ള കാര്യങ്ങള് മാധ്യമങ്ങളോട് റിപ്പോര്ട്ട് ചെയ്യുന്നതിന് പിഡിപി തന്നെ ഏര്പ്പെടുത്തിയ ആളാണ് നിസാര് മേത്തര്. ഇയ്യാള് മാധ്യമങ്ങളെ കോഡിനേറ്റ് ചെയ്തിരുന്നു. മഅദനിയുടെ ആരോഗ്യനില സംബന്ധിച്ച വിവരങ്ങള് മാധ്യമപ്രവര്ത്തക തേടിയിരുന്നു. പക്ഷെ രണ്ട് ദിവസങ്ങള് കഴിഞ്ഞപ്പോള് നിസാറിന്റെ രീതി മാറി രാത്രി വൈകിയും അശ്ലീല സന്ദേശം അയച്ചിരുന്നു. മാധ്യമ പ്രവര്ത്തക വിലക്കിയിട്ടും നിസാര് പിന്മാറിയില്ല. തുടര്ന്ന് പോലീസില് പരാതി നല്കുകയായിരുന്നു.
