കോന്നി : കാട്ടനകൂട്ടം നിരവധി പേരുടെ കൃഷിയും വീടിൻ്റെ അടുക്കള ഭാഗവും നശിപ്പിച്ചു. തേക്കുതോട് മൂർത്തിണ്ണിൽ ശിവസദനം സന്തോഷിൻ്റെ വീടിൻ്റെ അടുക്കളയാണ് ആനക്കൂട്ടം ഭാഗികമായി നശിപ്പിച്ചത്. കഴിഞ്ഞ ദിവസം രാത്രിയിലായിരുന്നു സംഭവം.
മൂർത്തിമൺ കോട്ടക്കുളം അജിതാലയം പ്രഭാകരൻ്റെ പന്ത്രണ്ട് മൂട് കവുങ്ങ്, നാല് തെങ്ങ്, മൂന്ന് മൂട് കുരുമുളക് കൊടി, സന്തോഷിൻ്റെ ഇരുപത്തഞ്ച് മൂട് കവുങ്ങ്, ഒൻപത് മൂട് തെങ്ങ്, കാവൽ പുര, എട്ട് മൂട് കുരുമുളക് കൊടി, നിരവേൽ താഴേതിൽ ശിവദാസിൻ്റെ മൂന്ന് മൂട് തെങ്ങ് നാല് കവുങ്ങ് കോലിഞ്ചി തുടങ്ങിയവയും ആനക്കൂട്ടം നശിപ്പിച്ചു.
