ആന്ധ്രപ്രദേശ് : പ്രായപൂർത്തിയാകാത്ത രണ്ട് പെൺകുട്ടികളെ ബലാത്സംഗം ചെയ്ത കേസിൽ അച്ഛനും മകനും അറസ്റ്റിൽ. ഞായറാഴ്ചയാണ് കേസിനാസ്പദമായ സംഭവം ആന്ധ്രപ്രദേശിലെ വിശാഖപട്ടണത്തിന് സമീപം അച്യുതപുരത്ത് നടന്നത്. ബാപ്പയ്യ(50), ഇയാളുടെ മകൻ നുകാലൂ(27) എന്നിവരാണ് അറസ്റ്റിലായത്.
കബഡി പരിശീലന കേന്ദ്രത്തിൽ പരിശീലനത്തിനെത്തിയ രണ്ട് പെൺകുട്ടികളെയാണ് പ്രതികൾ പീഡിപ്പിച്ചത്. ചൊവ്വാഴ്ചയാണ് പോലീസിന് ഇതുസംബന്ധിച്ച പരാതി ലഭിച്ചത്. പ്രതികൾക്കെതിരെ ബലാത്സംഗ കുറ്റവും പോക്സോ വകുപ്പും ചുമത്തി കേസ് എടുത്തിട്ടുണ്ട്.
