പത്തനംതിട്ട: ക്ഷേമനിധി ബോർഡിൽ അംഗങ്ങൾ ആയിട്ടുള്ളവരുടെ പേര് വിവരം പുന:പരിശോധനയ്ക്ക് വിധേയമാക്കണമെന്ന് മോട്ടോർ തൊഴിലാളി ഫെഡറേഷൻ (ഐ.എൻ.റ്റി യു.സി) ജില്ല പ്രവർത്തയോഗം ആവശ്യപ്പെട്ടു. ബസ്, ലോറി, മറ്റു ഭാരവാഹനങ്ങളുടെ ടാക്സ് അടക്കുമ്പോൾ തൊഴിലാളി ക്ഷേമനിധി അംഗത്വം നിർബന്ധമാക്കിയതിനെ തുടർന്ന് പല ഉടമകളും യഥാർത്ഥ തൊഴിലാളികളുടെ വിവരം മറച്ചുവെച്ച് ബന്ധുക്കളുടെ പേരിലാണ് അംഗത്വം എടുക്കുന്നത്. ഇതു കാരണം യഥാർത്ഥ തൊഴിലാളികൾക്ക് ക്ഷേമനിധിയിൽ അംഗത്വം എടുക്കുവാൻ കഴിയാതെ വരികയാണ്. ഇത് പുനഃപരിശോധിക്കണമെന്ന് ജില്ലാ മോട്ടോർ തൊഴിലാളി ഫെഡറേഷൻ പ്രവർത്തകയോഗം ആവശ്യപെട്ടു.
മോട്ടോർ തൊഴിലാളി ഫെഡറേഷൻ സംസ്ഥാന ജനറൽ സെക്രട്ടറി ജ്യോതിഷ് കുമാർ മലയാലപ്പുഴ പ്രവർത്തകയോഗം ഉദ്ഘാടനം ചെയ്തു. ഫെഡറേഷൻ ജില്ലാ പ്രസിഡണ്ട് എ ഡി ജോൺ അധ്യക്ഷത വഹിച്ചു. ഹരികുമാർ പൂതങ്കര, തോട്ടുവ മുരളി, എ ജി ആനന്ദം പിള്ള, എൻ ജയകുമാർ, സജി കെ സൈമൺ, രാജു നെടുവേലിമണ്ണില് , ജി ശ്രീകുമാർ, സി കെ അർജുനൻ, പി കെ മുരളി, മോഹൻകുമാർ കോന്നി, ഷാജി വായ്പൂർ, പ്രസാദ് തുമ്പമൺ, അംജിത്ത് അടൂർ, സജി തോട്ടത്തുമല, കെ എൻ രാജൻ തുടങ്ങിയവർ സംസാരിച്ചു.
