ബ്രാംപ്ടണ്‍ (കാനഡ): കാനഡയിലെ ബ്രാംപ്ടണ്‍ മുന്‍സിപ്പല്‍ കോര്‍പ്പറേഷനിലെ പാര്‍ക്ക് ഇനി അറിയപ്പെടുക ശ്രീ ഭഗവത്ഗീത എന്ന പേരില്‍. പാട്രിക് ബൗണ്‍, ബ്രാംപ്ടണ്‍ മേയറാണ് ഇത് സംബന്ധിച്ച് പ്രഖ്യാപനം നടത്തിയത്. ഇന്ത്യക്കു വെളിയില്‍ ശ്രീഭഗവദ്ഗീത എന്ന് നാമകരണം ചെയ്ത ആദ്യപാര്‍ക്കാണിത്. 3.7 ഏക്കറില്‍ വ്യാപിച്ചുകിടക്കുന്ന ഈ പാര്‍ക്ക് ട്രോയേഴ്‌സ് പാര്‍ക്ക് എന്നാണ് മുന്‍പ് അറിയപ്പെട്ടിരുന്നത്.
കൃഷ്ണഭഗവാനും അര്‍ജുനനും രഥത്തിലിരിക്കുന്ന ചിത്രം അനാവരണം ചെയ്യുന്നതിനും ഭഗവത്ഗീതയിലെ രണ്ടു പ്രധാന കഥാപാത്രങ്ങളെ സ്മരിക്കുന്നതിനും കനേഡിയന്‍ ജനതയും ഹിന്ദു കമ്യൂണിറ്റിയും തമ്മിലുള്ള സൗഹൃദത്തിന്‍റെ ഒരു ചിഹ്നമായി ഈ പാര്‍ക്കിനെ പ്രഖ്യാപിക്കുന്നുവെന്ന് മേയര്‍ പറഞ്ഞു. ഹിന്ദുസമൂഹം കോര്‍പറേഷന്‍റെ വികസനത്തിനായി വഹിച്ചനിര്‍ണായക പങ്കിനെ സ്മരിച്ചുകൊണ്ടാണ് പുതിയ നാമകരണം ചെയ്തതെന്നും മേയര്‍ പറഞ്ഞു.
