റാന്നി : പെരുനാട് പഞ്ചായത്ത് കക്കാട് വാർഡിലെ കക്കാട്, കോട്ടുപാറ, തുണ്ടുമൺ അംഗൻവാടികളിൽ കുരുന്നുകൾക്ക് പാൽ നൽകി വാർഡ് മെമ്പർ അരുൺ അനിരുദ്ധൻ പോഷകബാല്യം പദ്ധതി ഉദ്ഘാടനം ചെയ്തു. കുട്ടികളുടെ പോഷകാഹാര നിലവാരം ഉയര്ത്തുന്നതിനും സുസ്ഥിര വികസന ലക്ഷ്യം കൈവരിക്കുന്നതിനുമായാണ് ആഴ്ചയില് രണ്ട് ദിവസം മുട്ടയും രണ്ട് ദിവസം പാലും നല്കുന്നത്. ഒരു കുട്ടിയ്ക്ക് ഒരു ദിവസം ഒരു ഗ്ലാസ് പാല് വീതം ആഴ്ചയില് തിങ്കള്, വ്യാഴം ദിവസങ്ങളിലും ആഴ്ചയില് ചൊവ്വ, വെള്ളി ദിവസങ്ങളില് മുട്ടയും നല്കും. അംഗൻവാടി ടീച്ചർമാർ,ഹെൽപ്പർമാർ, ആശാവർക്കർ എഡിഎസ്,പ്രസിഡന്റ് സെക്രട്ടറി എന്നിവർ പങ്കെടുത്തു.
