തിരുവനന്തപുരo : കോൺവെൻ്റിൽ യുവതിയെ തൂങ്ങി മരിച്ച നിലയിൽ കണ്ടെത്തിയ സംഭവത്തിൽ വിശദമായ അന്വേഷണം ആവശ്യമാണെന്ന് പോലീസ് വ്യക്തമാക്കിയതായി സൂചനകൾ. കന്യാസ്ത്രീയാകാൻ പഠിക്കുന്ന യുവതിയെയാണ് തൂങ്ങി മരിച്ച നിലയിൽ കണ്ടെത്തിയത്. തമിഴ്നാട് സ്വദേശി അന്നപൂരണിയെന്ന ഇരുപത്തിയേഴുകാരിയാണ് കഴിഞ്ഞ ദിവസം ആത്മഹത്യ ചെയ്തത്. തിരുവനന്തപുരം വെട്ടുതുറ കോൺവെൻ്റിലാണ് അന്നപൂരണി താമസിച്ചിരുന്നത്. ഇവിടെ സ്വന്തം മുറിക്കുള്ളിലാണ് അവരെ ആത്മഹത്യ ചെയ്ത നിലയിൽ കണ്ടെത്തുകയായിരുന്നു. കഠിനംകുളം പോലീസ് അന്വേഷിക്കുന്ന കേസിൽ ചില സംശയങ്ങൾ നിലനിൽക്കുന്നുണ്ടെന്നുള്ള സൂചനകളാണ് ഇപ്പോൾ പുറത്തു വരുന്നത്.
തമിഴ്നാട് തിരൂപ്പൂർ കരുമത്താംപെട്ടി സ്വദേശിനിയായ അനു എന്ന് വിളിക്കുന്ന അന്നപുരാണിയാണ് കഴിഞ്ഞ ദിവസം കെട്ടിത്തൂങ്ങിമരിച്ച നിലയിൽ കാണപ്പെട്ടത്. 27 വയസ്സായിരുന്നു. കരുമത്താംപെട്ടി സ്വദേശിനി റോസ്︋ലിൻ മേരിയുടെ മകളാണ് അന്നപുരണി. വെട്ടുതുറ റോസി കോൺവെൻ്റിലെ രാണ്ടാംനിലയിലാണ് അന്നപുരാണിയുടെ കിടപ്പ് മുറി സ്ഥിതി ചെയ്യുന്നത്. ഈ മുറിയിലെ ഫാനിൽ സാരി കുരുക്കിയാണ് കന്യാസ്ത്രീ ആത്മഹത്യ ചെയ്തത്. ഞായറാഴ്ച രാത്രി 9.30 നും തിങ്കളാഴ്ച രാവിലെ 6.15 നും ഇടയിലാണ് മരണം നടന്നതെന്നും പോലീസ് പറയുന്നു. അതേസമയം അന്നപുരാണി സാരി ഉപയോഗിക്കാറുണ്ടായിരുന്നില്ലെന്നാണ് കോൺവെൻ്റിലുള്ളവർ പറയുന്നത്. ഏതു രീതിയിലാണ് ആത്മഹത്യ ചെയ്യാൻ സാരി ഉപയോഗിച്ചതെന്ന അന്വേഷണത്തിലാണ് പോലീസ്.
തിങ്കളാഴ്ച രാവിലെ നടന്ന പ്രാർത്ഥനക്ക് യുവതി എത്തിയിരുന്നില്ല. അതേസമയം എല്ലാ ദിവസവും പ്രാർത്ഥനയ്ക്ക് അവർ എത്താറുണ്ടായിരുന്നു. എതെങ്കിലും രീതിയിലുള്ള അസുഖം ബാധിച്ച് കിടപ്പിലാണോ എന്ന് പ്രാർത്ഥനയ്ക്കു ശേഷം മറ്റുള്ളവർ അന്വേഷണം നടത്തിയിരുന്നു. ഈ അന്വേഷണത്തിലാണ് അന്നപൂരണിയെ ആത്മഹത്യ ചെയ്ത നിലയിൽ കണ്ടെത്തിയത്. ഫാനിൽ തൂങ്ങിമരിച്ച നിലയിലായിരുന്നു അന്നപൂരണിയുടെ മൃതദേഹം കാണപ്പെട്ടത്. വാതിൽ അകത്തു നിന്ന് പൂട്ടിയിരിക്കുകയായിരുന്നു എന്നും കോൺവെൻ്റിലെ മറ്റു കന്യാസ്ത്രീകൾ പറയുന്നു.
മുറിയില്നിന്ന് അന്നപൂരണി എഴുതിയതെന്നു കരുതുന്ന ആത്മഹത്യാക്കുറിപ്പും കണ്ടെത്തിയിട്ടുണ്ടെന്ന് പോലീസ് പറഞ്ഞു. തനിക്ക് കന്യാസ്ത്രീയാകാന് യോഗ്യതയില്ലെന്നും അതുകൊണ്ട് പോകുന്നു എന്നുമാണ് ആത്മഹത്യാക്കുറിപ്പില് എഴുതിയിരിക്കുന്നത്. അതേസമയം അന്നപൂരണിയുടേത് ആത്മഹത്യയാണെന്നാണ് പ്രഥമിക പരിശോധനയിൽ വ്യക്തമാകുന്നതെന്ന് നേരത്തെ പോലീസ് ചൂണ്ടിക്കാട്ടിയിരുന്നു.
വെട്ടുതുറ റോസ്മിനിയന്സ് ഔവര് ലേഡി കോണ്വെൻ്റിലെ അന്തേവാസിയായിരുന്നു അന്നപൂരണി. ഏകദേശം ഒരു വര്ഷം മുന്പാണ് അന്നപൂരണി കോണ്വെൻ്റിലെത്തിയതെന്നാണ് സൂചനകൾ. പഠനത്തിൻ്റെ ഭാഗമായി മഹാരാഷ്ട്രയിൽ സാമുഹ്യസേവനത്തിലായിരുന്നു അവർ. അതിനുശേഷം കഴിഞ്ഞ മാസമാണ് ഇവര് കോണ്വെൻ്റില് മടങ്ങിയെത്തിയത്. കോൺവെൻ്റിൽ മടങ്ങിയെത്തിയതിനു പിന്നാലെ അവർ നിരാശയായിരുന്നു എന്നും സൂചനകൾ പുറത്തു വരുന്നുണ്ട്. കൂടുതൽ സമയവും മുറിയടച്ച് ഇരിക്കുകയായിരുന്നു അന്നപൂരണിയുടെ പതിവെന്നാണ് പുറത്തു വരുന്ന റിപ്പോർട്ടുകൾ.
കന്യാസ്ത്രീ വിദ്യാർത്ഥിയുടെ മരണം സംബന്ധിച്ച അന്വേഷണം പുരോഗമിക്കുകയാണ്. മുറിയില് ഇവര് തനിച്ചായിരുന്നു എന്നും പോലീസ് വ്യക്തമാക്കി. ആറ്റിങ്ങല് ഡിവൈഎസ്︋പിയുടെ നേതൃത്വത്തില് കഠിനംകുളം പോലീസ് നടപടികള് സ്വീകരിച്ചുവരികയാണ്.
ന്യുസ് ചാനലില് ബിസിനസ് ഡെവലപ്മെന്റ് മാനേജരുടെ ഒഴിവുകള്
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായില് ബിസിനസ് ഡെവലപ്മെന്റ് മാനേജരുടെ ഒഴിവുകളുണ്ട് . യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില് മുന്പരിചയം അഭികാമ്യം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. 18000 രൂപാ പ്രതിമാസ ശമ്പളവും 5000 രൂപാ യാത്രാ ചെലവും ലഭിക്കും. കൂടാതെ നിശ്ചിത നിരക്കില് കമ്മീഷനും ലഭിക്കും. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.
