പത്തനംതിട്ട: മൂഴിയാർ ആദിവാസി ഉന്നതിയിലെ മുഴുവൻ ഷെഡ്ഡുകൾക്കും സോളാർ വെച്ച് നൽകി. ഈ കഴിഞ്ഞ തദ്ദേശസ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് സമയത്ത് സീതത്തോട് പഞ്ചായത്തിലെ ഗവി വാർഡിൽ മത്സരിച്ച ശിവ, ബ്ലോക്ക് കോൺഗ്രസ് വൈസ് പ്രസിഡൻ്റ് ഷെമീർ തടത്തിൽ എന്നിവർ യൂത്ത് കോൺഗ്രസ് സംസ്ഥാന സെക്രട്ടറി നഹാസ് പത്തനംതിട്ടയോട് മൂഴിയാർ ആദിവാസി ഉന്നതിയിൽ വൈദ്യുതി ഇല്ലാത്തതിനാൽ വന്യമൃഗശല്യം രൂക്ഷമാകുകയും ഷെഡ്ഡുകളും മറ്റും നശിപ്പിക്കപ്പെടുകയും വെളിച്ചമില്ലാതെ കുട്ടികൾ ഉൾപ്പെടെയുള്ളവർക്ക് ഉണ്ടാകുന്ന ബുദ്ധിമുട്ടുകൾ എന്നിവ അറിയിച്ചിരുന്നു. ഉടനെ എന്തെങ്കിലും മാർഗം കണ്ടെത്താം എന്ന് നഹാസ് പത്തനംതിട്ട അവർക്ക് വാക്ക് കൊടുക്കുകയും ചെയ്തു. ഇന്ന് ആ വാക്ക് പാലിക്കപ്പെട്ടു. മുടങ്ങാതെ പുതുവത്സരത്തിൽ എല്ലാ ഉന്നതികളിലും സഹായം എത്തിക്കുന്ന നഹാസ് പത്തനംതിട്ടയും സുഹൃത്തുക്കളും പുതുവത്സര സമ്മാനമായി വ്ലോഗർ ഷാലു പേയാട് ടെക്സസിലെ കുറച്ച് ഡോക്ടർമാർ എന്നിവരുടെ സഹായത്തോടെ ഉന്നതിയിലെ മുഴുവൻ ഷെഡ്ഡുകൾക്കും സോളാർ വെച്ച് നൽകി.
സോളാർ ട്രക്കിൻ്റെ ഫ്ലാഗ് ഓഫ് ചടങ്ങ് രാജ്യസഭാ മുൻ ഉപാദ്ധ്യക്ഷൻ പ്രൊഫ. പിജെ കുര്യൻ നിർവ്വഹിച്ചു. യൂത്ത് കോൺഗ്രസ് സംസ്ഥാന സെക്രട്ടറി നഹാസ് പത്തനംതിട്ട അദ്ധ്യക്ഷത വഹിച്ചു. എ ഷംസുദീൻ, എൻഷൈലാജ്, മാത്യു കുളത്തിങ്കൽ, തട്ടയിൽ ഹരികുമാർ, ആർ ദേവകുമാർ, റോജി പോൾ ഡാനിയൽ, അജിത്ത് മണ്ണിൽ, നാസർ തോണ്ട മണ്ണിൽ, ഷെമീർ തടത്തിൽ, ശിവഗുരുസ്വാമി, മനു തയ്യിൽ, സുഹൈൽ നജീബ്, ജാക്സൺ ഷാജി, കാർത്തിക്ക് മുരിങ്ങമംഗലം, റ്റിജോ സാമുവൽ, ജിതിൻ പോൾ ജെ ബ്രദേഴ്സ് എന്നിവർ നേതൃത്വം നൽകി.
