കൊല്ലം : മുൻ മന്ത്രി വീണ ജോർജും കുടുംബവും സഞ്ചരിച്ച വാഹനം കൊല്ലം മടത്തറക്ക് സമീപം അപകടത്തിൽപെട്ടു . പത്തനംതിട്ടയിൽ നിന്നും തിരുവനന്തപുരത്തേക്ക് യാത്ര ചെയ്യുന്നതിനിടെയാണ് അപകടമുണ്ടായത്. കനത്ത മഴയെത്തുടർന്ന് വാഹനം തെന്നിമാറിയതാണ് അപകടത്തിന് കാരണമായത്.
നിയന്ത്രണം വിട്ട കാർ സമീപത്ത് പാർക്ക് ചെയ്തിരുന്ന ഒരു ബൈക്കിലിടിക്കുകയും തുടർന്ന് അടുത്തുള്ള പോസ്റ്റിൽ ഇടിച്ചു നിൽക്കുകയുമായിരുന്നു. അപകടത്തിൽ ആർക്കും ഗുരുതരമായ പരിക്കുകളില്ല എന്നാണ് വിവരം. അപകടത്തിന് ശേഷം മറ്റൊരു വാഹനത്തിൽ ഇവർ തിരുവനന്തപുരത്തേക്ക് യാത്ര തിരിച്ചു.
