റാന്നി: കഴിഞ്ഞ ദിവസം പെയ്ത കനത്ത മഴയ്ക്കു പിന്നാലെ വീട്ടുമുറ്റത്തെ കിണര് ഇടിഞ്ഞു താണു. പഴവങ്ങാടി മോതിരവയൽ അമ്പത്തിരണ്ടില് പുത്തന്വീട്ടില് പി പി വിജയന്റെ കിണർ ആണ് ഇടിഞ്ഞു താണത്.ചെളിയും മണ്ണും മൂടിയതിനാല് വെള്ളം ഉപയോഗിക്കാന് ആവുന്നില്ലെന്നു വീട്ടുകാര് പറഞ്ഞു. കിണറിന്റെ വശത്തെ കെട്ടിനു അടിവശം ബലക്ഷയം മൂലം ഇടിഞ്ഞതാണെന്നും ആശങ്കപ്പെടാനില്ലെന്നുമാണ് അധികൃതരുടെ നിലപാട്.ഇവിടെ തന്നെ തടത്തില് വിശ്വംഭരന്റെ വീടിന്റെ സംരക്ഷണ ഭിത്തിയും തകര്ന്നു വീണിരുന്നു.
