ന്യൂയോര്ക്ക് : പ്രമുഖ ഹോളിവുഡ് നടന് മൈക്കല് കെ വില്യംസ് അന്തരിച്ചു. അമേരിക്കയിലെ ‘ദി വയര്’ ടെലിവിഷന് ത്രില്ലര് പരമ്ബരയില് ശ്രദ്ധേയമായ കഥാപാത്രത്തെ അവതരിപ്പിച്ച് ആരാധക ഹൃദയത്തില് ഇടംനേടിയ താരമാണ് മൈക്കല്. ന്യൂയോര്ക്ക് സിറ്റിയിലെ അപ്പാര്ട്മെന്റിലാണ് താരത്തെ തിങ്കളാഴ്ച പുലര്ച്ചെ മരിച്ചനിലയില് കാണപ്പെട്ടത്.
മയക്കുമരുന്ന് അമിതമായി കഴിച്ചതാണ് മരണ കാരണം എന്നാണ് പ്രാഥമിക നിഗമനം. ദി വയര്, ബോഡി ബ്രോക്കേഴ്സ്, ബ്രോഡ്വാക്ക് എംപയര് തുടങ്ങി നിരവധി സിനിമാ, സീരീസുകളില് പ്രധാന വേഷങ്ങള് അവതരിപ്പിച്ചിട്ടുണ്ട്. 2021-ലെ എമ്മി അവാര്ഡിനായി അഞ്ചു തവണ നാമനിര്ദേശം ചെയ്യപ്പെട്ട നടനാണ് മൈക്കല് വില്യംസ്.
