കരുനാഗപ്പള്ളി : കരുനാഗപ്പള്ളിയില്‍ ഹോം ക്വാറന്റയിനിലായിരുന്ന യുവാവ് ആത്മഹത്യ ചെയ്തു. കരുനാഗപ്പള്ളി പടനായര്‍കുളങ്ങര ഹൈബി നിവാസില്‍ അല്‍ ഷാനി സലിം ആണ് മരിച്ചത്. 30 വയസ്സായിരുന്നു. ജൂണ്‍ 28 ന് വിദേശത്തു നിന്നും നെടുമ്പാശ്ശേരിയില്‍ എത്തി.
കളമശ്ശേരിയില്‍ നടത്തിയ റാപ്പിഡ് ടെസ്റ്റില്‍ നെഗറ്റീവ് ആയിരുന്നു. കഴിഞ്ഞ ദിവസം രാത്രി ബന്ധുക്കള്‍ ഭക്ഷണവുമായി എത്തിയപ്പോഴാണ് മുറിക്കുള്ളില്‍ തൂങ്ങിയ നിലയില്‍ കണ്ടെത്തിയത്. മൃതദേഹം കോവിഡ് പരിശോധനയ്ക്ക് ശേഷം പോസ്റ്റുമാര്‍ട്ടം നടത്തും. ഭാര്യയും, രണ്ട് മക്കളുമുണ്ട്. കരുനാഗപ്പള്ളി പോലീസ് കേസെടുത്തു.
