തിരുവല്ല : കേന്ദ്ര സർക്കാർ അഗ്നിപഥ് പദ്ധതി ഉപേക്ഷിക്കുക, അഗ്നിപഥ് പദ്ധതിക്കെതിരെ രാജ്യവ്യാപക പ്രക്ഷോഭം എന്ന മുദ്രാവാക്യമുയർത്തി എല്.ഡി.വൈ.എഫ് നേതൃത്വത്തിൽ തിരുവല്ല റെയിൽവേ സ്റ്റേഷനിലേക്ക് യുവജന മാർച്ച് സംഘടിപ്പിച്ചു. യൂത്ത് കോൺഗ്രസ് സംസ്ഥാന പ്രസിഡന്റ് സന്തോഷ് കാല ഉദ്ഘാടനം ചെയ്തു. എ ഐ വൈ എഫ് ജില്ലാ പ്രസിഡന്റ് സുഹാസ് എം.ഹനീഫ് അധ്യക്ഷത വഹിച്ചു.
ഡിവൈഎഫ്ഐ ജില്ലാ സെക്രട്ടറി ബി നിസാം, ഡിവൈഎഫ്ഐ ജില്ലാ പ്രസിഡന്റ എം സി അനീഷ് കുമാർ, സംസ്ഥാന കമ്മിറ്റി അംഗങ്ങൾ എം അനീഷ് കുമാർ, ജോബി ടി ഈശോ, കേരള യൂത്ത് ഫ്രണ്ട് എം സംസ്ഥാന ജനറൽ സെക്രട്ടറി ദീപക് മാമൻ മത്തായി, യൂത്ത് ഫ്രണ്ട് എം ജില്ലാ പ്രസിഡന്റ് മാത്യു നൈനാൻ, എഐവൈഎഫ് സംസ്ഥാന കമ്മിറ്റി അംഗം ശ്രീന ദേവി കുഞ്ഞമ്മ എന്നിവർ പ്രസംഗിച്ചു.
