പത്തനംതിട്ട: പന്തളം ക്ഷേത്തിലെ തിടപ്പള്ളിയില് സൂക്ഷിച്ചിരുന്ന മേല്ശാന്തിയുടെ മാല മോഷ്ടിച്ച കുമളി പത്തുമുറി കാര്യാട്ടു മഠത്തില് ശ്രീരാജ് നമ്പൂതിരി (27) അറസ്റ്റില്. കഴിഞ്ഞ നവംബറിലായിരുന്നു മോഷണം. ശ്രീരാജ് കഴിഞ്ഞ നാലുവര്ഷം തട്ടയില് ഒരിപ്പുറം ക്ഷേത്രത്തിലെ കീഴ്ശാന്തിയായിരുന്നക്കാലത്താണ് മോഷണം നടന്നത്. ഈ ക്ഷേത്രത്തിലെ മേല്ശാന്തിയായ മനു നമ്പൂതിരി തിടപ്പള്ളിയില് ഊരിവച്ച 5 പവന്റെ സ്വര്ണമാലയാണ് ശ്രീരാജ് മോഷ്ടിച്ചത്. അതുകൂടാതെ, കോട്ടയം അയര്കുന്നം പോലീസ് സ്റ്റേഷന് പരിധിയില് വൃദ്ധയെ വീട്ടില് കയറി തോക്കുചൂണ്ടി ഭീഷണിപ്പെടുത്തി ഇരുപത്തിമൂന്ന് പവന് സ്വര്ണാഭരണവും ഒരുലക്ഷം രൂപയും കവര്ന്ന കേസിലെ പ്രതിയായ ശ്രീരാജ് പാലാ സബ് ജയിലില് റിമാന്ഡിലാണ്. തട്ട ക്ഷേത്രത്തിലെത്തിച്ച് തെളിവെടുപ്പു നടത്തിയശേഷം പാലാ സബ് ജയിലിലെത്തി ശ്രീരാജിനെ പന്തളം പോലീസ് അറസ്റ്റുചെയ്തത്.
