കൂറ്റനാട് : അടച്ചിട്ട വീടുകളില് കവര്ച്ച നടത്തിയിരുന്ന സംഘത്തിലെ രണ്ടാം പ്രതിയും പോലീസ് പിടിയില്. അരീക്കോട് സ്വദേശി കട്ടര് റഷീദിനെയാണ് ചാലിശ്ശേരി പോലീസ് അറസ്റ്റ് ചെയ്തത്. എസ്ഐ കെ.അനീഷിന്റെ നേതൃത്വത്തിലുള്ള സംഘമാണ് ഇയാളെ പിടികൂടിയത്. തിരുമിറ്റക്കോട് പ്രദേശത്തടക്കം 15ഓളം കവര്ച്ച കേസുകളില് പ്രതിയാണ് പിടിയിലായ റഷീദ്. ഒന്നാം പ്രതി എറണാകുളം സ്വദേശി ഷാജഹാനെ ദിവസങ്ങള്ക്കു മുമ്ബ് അറസ്റ്റ് ചെയ്തിരുന്നു.
വീടുകള്തോറും പച്ചക്കറി വില്പന മറയാക്കി കയറിയിറങ്ങി ആളില്ലാത്തവ അടയാളപ്പെടുത്തുകയും ഒന്നാം പ്രതി ഷാജഹാന് വിവരങ്ങള് കൈമാറുകയും ചെയ്തിരുന്നത് കട്ടര് റഷീദാണ്. തുടര്ന്ന് ഇവര് രണ്ടുപേരും ചേര്ന്ന് മോഷണം നടത്തുകയാണ് പതിവ്. തിരുമിറ്റക്കോട് വെള്ളടിക്കുന്ന് ഷമീറയുടെ വീട്ടില്നിന്ന് അഞ്ച് പവന് സ്വര്ണവും 10,000 രൂപയും മോഷ്ടിച്ചു. അമേരിക്കപ്പടി, നെല്ലിക്കാട്ടിരി എന്നിവിടങ്ങളിലെ പല വീടുകളിലും മോഷണശ്രമം നടത്തി. ഒന്നാം പ്രതി ഷാജഹാന്റെ പേരില് നിലവില് 20 കേസുകളുണ്ട്.
