കോട്ടയം: അന്യസംസ്ഥാന തൊഴിലാളിയുടെ പണം തട്ടിയ കേസില് രണ്ടുപേർ അറസ്റ്റിലായത്.ഗാന്ധിനഗര് പോലീസ് സ്റ്റേഷന് പരിധിയില് സംക്രാന്തിയിലാണ് സംഭവം ഉണ്ടായത്. കോട്ടയം പെരുമ്പായിക്കാട് പുത്തന്പറമ്പില് വീട്ടില് പീറ്റര് മകന് ജയ്മോന് എന്ന ജോണ്സണ് (40), പെരുമ്പായിക്കാട് മുണ്ടകം ഭാഗത്ത് മുണ്ടകത്ത് വീട്ടില് മാമു മകന് നൗഷാദ് (44) എന്നിവരെയാണ് പോലീസ് അറസ്റ്റ് ചെയ്തത്. ആക്രി സാധനങ്ങള് പെറുക്കി ഉപജീവനം നടത്തുന്ന തൊഴിലാളികളെയാണ് ഇവര് ഭീഷണിപ്പെടുത്തി പണം തട്ടിയെടുത്തത്.
സംഭവത്തെക്കുറിച്ച് പോലീസ് പറയുന്നത് ഇങ്ങനെ, സംക്രാന്തി പെരുമ്പായിക്കാട് ഭാഗത്ത് ആക്രി സാധനങ്ങള് പെറുക്കി ഉപജീവനം നടത്തുന്ന തൊഴിലാളികൾ താമസിച്ചിരുന്ന മുറിയിലേക്ക് ഇവര് അതിക്രമിച്ചു കയറി പണം പിടിച്ചു പറിക്കുകയായിരുന്നു. ഇയാളുടെ പരാതിയെ തുടര്ന്ന് ഗാന്ധിനഗര് പോലീസ് കേസ് രജിസ്റ്റര് ചെയ്യുകയും പ്രതികളെ അറസ്റ്റ് ചെയ്യുകയുമായിരുന്നു.
