കോതമംഗലം: കുത്തുകുഴിയിലെ വീട്ടില്‍നിന്ന് സ്വര്‍ണവും പണവും കവര്‍ന്ന മോഷ്ടാവ് പിടിയില്‍. ഇടുക്കി മന്നാംകണ്ടം ഇരുമ്പുപാലം ഭാഗത്ത് താമസിക്കുന്ന തേനി മാവട്ടത്ത് കൃഷ്ണനെയാണ് (28) കോതമംഗലം പോലീസ് അറസ്റ്റ് ചെയ്തത്.കുത്തുകുഴിയിലെ വീട്ടില്‍നിന്നാണ് കവര്‍ച്ച നടത്തിയത്. അലമാരയില്‍ സൂക്ഷിച്ചിരുന്ന ഏഴുപവന്‍ ആഭരണങ്ങളും രണ്ട് ലക്ഷം രൂപയുമാണ് മോഷ്ടിച്ചത്. ഇന്‍സ്പെക്ടര്‍ അനീഷ് കുമാര്‍, എസ്.ഐ ടി.എന്‍. മീതീന്‍, എ.എസ്.ഐമാരായ കെ.എം. സലിം, എം.എം. റെജി, എന്‍. നിശാന്ത് കുമാര്‍ എന്നിവരടങ്ങുന്ന സംഘമാണ് പ്രതിയെ പിടികൂടിയത്.
