കൊല്ലം : ഇരുചക്രവാഹനം മോഷ്ടിച്ച പ്രതിയെ മണിക്കൂറുകൾക്കുള്ളിൽ പോലീസ് പിടികൂടി. കൊല്ലത്താണ് സംഭവം. പരവൂർ കോങ്ങൽ പനനിന്ന വീട്ടിൽ സെയ്ദലി (19) ആണ് പരവൂർ പോലീസിന്റെ പിടിയിലായത്. കഴിഞ്ഞ ദിവസം വൈകുന്നേരം 6 മണിയോടെയാണ് സംഭവം. പരവൂർ റെയിൽവേ സ്റ്റേഷൻ പാർക്കിംഗ് ഗ്രൗണ്ടിൽ സുക്ഷിച്ചിരുന്ന കലയ്ക്കോട് സ്വദേശി റാഷിദിന്റെ ഇരുചക്രവാഹനമാണ് ഇയാൾ മോഷ്ടിച്ചത്. പരവൂർ പോലീസ് നൽകിയ വിവരത്തിന്റെ അടിസ്ഥാനത്തിൽ കൊല്ലം ഈസ്റ്റ് പോലീസാണ് സെയ്ദലിയെയും മോഷണം പോയ വാഹനത്തെയും കണ്ടെത്തിയത്. ഇയാൾ മോഷണക്കേസിൽ മുൻപും പരവൂർ പോലീസിന്റെ പിടിയിലായിട്ടുണ്ട്.
