കൊച്ചി : പള്ളിയില് മോഷണം നടത്തിയ കേസിലെ പ്രതിയെ എറണാകുളം നോര്ത്ത് പോലീസ് അറസ്റ്റ് ചെയ്തു. ഇടപ്പള്ളി ടോള് ജങ്ഷന് മാവില വീട്ടില് ഷിന്റോയാണ് (38) പിടിയിലായത്. കഴിഞ്ഞ 12ന് എറണാകുളം സെമിത്തേരിമുക്കിലെ സെന്റ് മേരീസ് കത്തീഡ്രല് ബസലിക്ക പള്ളി കുത്തിത്തുറന്ന് അകത്തുകയറി സ്വര്ണം പൂശിയ കാസ, കുസ്തോതി, സ്റ്റീല് കുരിശ് തുടങ്ങിയവയടക്കം 30,000 രൂപ വിലവരുന്ന സാധന സാമഗ്രഹികള് മോഷ്ടിക്കുകയായിരുന്നെന്ന് പോലീസ് പറഞ്ഞു.
