ബിലാസ്പൂര് : പാസഞ്ചര് ട്രെയിനും ഗുഡ്സും കൂട്ടിയിടിച്ചുണ്ടായ അപകടത്തില് 50ലേറെ പേര്ക്ക് പരിക്ക്. മഹാരാഷ്ട്രയിലെ ഗോണ്ടിയയില് പുലര്ച്ചെ രണ്ടരയോടെയാണ് അപകടമുണ്ടായത്. സിഗ്നലിലെ പിഴവാണ് അപകട കാരണമെന്നാണ് പ്രാഥമിക വിവരം. ഇടിക്ക് പിന്നാലെ പാസഞ്ചര് ട്രെയിനിന്റെ മൂന്ന് ബോഗികള് പാളം തെറ്റി. പരിക്കേറ്റവരുടെ നില ഗുരുതരമല്ലെന്നാണ് വിവരം. ഛത്തീസ്ഗഡിലെ ബിലാസ്പൂരില് നിന്ന് രാജസ്ഥാനിലെ ജോധ്പൂരിലേക്ക് പോവുകയായിരുന്നു ട്രെയിന്.
