28.8 C
Pathanāmthitta
Tuesday, October 19, 2021 1:17 pm
Advertisment

തെക്കേമല -തുമ്പമണ്‍ റോഡിന്റെ ശോചനീയാവസ്ഥ പരിഹരിക്കണം ; യൂത്ത് കോണ്‍ഗ്രസ് പ്രതിഷേധം

മല്ലപ്പുഴശ്ശേരി : തെക്കേമല – തുമ്പമണ്‍ റോഡിന്റെ ശോചനീയാവസ്ഥ പരിഹരിക്കണമെന്നാവശ്യപ്പെട്ടുകൊണ്ട്  യൂത്ത് കോണ്‍ഗ്രസ് മണ്ഡലം കമ്മിറ്റിയുടെ നേതൃത്വത്തില്‍ പ്രതിഷേധ ധര്‍ണ്ണ നടത്തി. മല്ലപ്പുഴശ്ശേരി പഞ്ചായത്ത് ഓഫീസിനു മുമ്പില്‍ നടത്തിയ ധര്‍ണ്ണ കെപിസിസി സെക്രട്ടറി അനീഷ് വരിക്കണ്ണാമല ഉത്ഘാടനം ചെയ്തു. കിഫ്ബി വഴി 50 കോടി രൂപ അനുവദിച്ചെന്നു പ്രഖ്യാപിക്കുകയും എന്നാല്‍ നാളിതുവരെ യാതൊരുവിധ നിര്‍മ്മാണപ്രവര്‍ത്തനവും നടത്താതെ എംഎല്‍എയും സര്‍ക്കാരും ജനങ്ങളെ കബിളിപ്പിക്കുകയാണെന്നും അനീഷ് വരിക്കണ്ണാമല പറഞ്ഞു.

മണ്ഡലം പ്രസിഡന്റ് ജിതിന്‍ രാജ് അധ്യക്ഷത വഹിച്ചു. വാര്‍ത്തകളിലൂടെ വികസനം നടത്തുന്ന ആറന്മുള എം.എല്‍.എ വീണാ ജോര്‍ജ്ജിന്റെ നടപടി ജനങ്ങളുടെ കണ്ണില്‍ പൊടിയിടാനാണ്. റോഡിന്റെ ശോച്യാവസ്ഥ പരിഹരിക്കുവാന്‍ ഇനിയും വിമുഖത കാട്ടിയാല്‍ ശക്തമായ ബഹുജന പ്രക്ഷോഭത്തിന് യൂത്ത് കോണ്‍ഗ്രസ് നേത്രുത്വം നല്‍കുമെന്ന് ജിതിന്‍ രാജ് പറഞ്ഞു.

കോണ്‍ഗ്രസ് മണ്ഡലം പ്രസിഡന്റ് ജിജി ചെറിയാന്‍ മാത്യു, ഡിസിസി അംഗം ജേക്കബ് സാമുവേല്‍, ടെറിന്‍ ജോര്‍ജ്, റെന്നി രാജു, ജെബിന്‍ എന്നിവര്‍ പ്രസംഗിച്ചു. ബെന്നി കുഴിക്കാലാ, ഷിബു കാഞ്ഞിക്കല്‍, സാലി ലാലു, റോസമ്മ മത്തായി, സോണി ഗംഗാധരന്‍, തോമസ് വര്ഗീസ്, ജസ്റ്റിന്‍ കോയിക്കലേത്തു. വി സി ജോസഫ്, സുജ, മെല്‍വിന്‍, ആന്റോ വര്ഗീസ്, ബിജോ കുഴിക്കാലാ, ലിബു, ലാലു പുന്നക്കാട്, ശിലിന്‍, ജിജോ, അനൂപ് എന്നിവര്‍ പങ്കെടുത്തു.

- Advertisment -
Advertisment
Advertisment
- Advertisment -
- Advertisment -

Most Popular