കോന്നി : “സ്ത്രീകൾ സമൂഹത്തിൻ്റെ മുഖ്യധാരയിൽ നിൽക്കേണ്ടവരാണെന്നും കഠിനാദ്ധ്വാനത്തിലൂടെ അത് നേടിയെടുക്കാനാകൂ” എന്നും പ്രശസ്ത സീരിയൽസിനിമാ താരം തെസ്നിഖാൻ. കോന്നി ബ്ലോക്ക് പഞ്ചായത്തും വനിതാ ശിശു വികസന വകുപ്പും ചേർന്ന് നടത്തിയ വനിതാദിനാഘോഷം ഉദ്ഘാടനം ചെയ്തു സംസാരിക്കുകയായിരുന്നു. വൈസ് പ്രസിഡൻ്റ് ക്ഷേമാ ശേഖർ അധ്യക്ഷത വഹിച്ച ചടങ്ങിൽ ബ്ലോക്ക് പ്രസിഡൻ്റ് റോബിൻ പീറ്റർ, പ്രശസ്ത ചലച്ചിത്ര പിന്നണി ഗായിക ചന്ദ്രലേഖ, സുശീല അജി, പ്രിയ എസ്. തമ്പി, സുലേഖ വി.നായർ, റോബിൻ മോൻസി, സുമേഷ്, ശിവദാസ്, സ്മിത.ജി. നായർ, റോസമ്മ ബാബുജി, ഗീത പി. സൗദാ റഹീം, സുനിൽകുമാർ, ചിത്ര, ജയശ്രി, തുടങ്ങിയവർ പ്രസംഗിച്ചു.
ചടങ്ങിൽ 30 വർഷത്തിലേറെയായി വിവിധ തരം സ്റ്റാമ്പുകൾ, നാണയങ്ങൾ, മുദ്രപ്പത്രങ്ങൾ, കറൻസി തുടങ്ങിയ വൻശേഖരത്തിൻ്റെ എക്സിബിഷൻ സംഘടിപ്പിച്ച രാജി കണ്ണനേയും, സായം പ്രഭയിലെ (പകൽ വീട്) അംഗങ്ങളേയും ആദരിക്കുകയും തുടർന്ന് അംഗൻവാടി അധ്യാപകരുടേയും കുട്ടികളുടേയും വിവിധ കലാപരിപാടികൾ നടന്നു
